16 جون ، 2025 
کراچی میں ہزاروں والدین بچوں کو پولیو ویکسین پلانے سے انکاری
16 جون ، 2025
کراچی میں ہزاروں والدین کی جانب سے بچوں کوانسداد پولیو ویکسین پلانے سے مسلسل انکار کے بعد ریفیوزل کیس میں اضافہ ہونے لگا۔
ایمرجنسی آپریشن سینٹر (ای سی او ) کے مطابق مئی کی انسداد پولیو مہم کے دوران 37 ہزار 711 والدین نے ویکسی نیشن سے انکارکیا جب کہ اپریل میں 37 ہزار 360 والدین نے انسداد پولیو ویکسی نیشن سے انکار کیا تھا۔
ای سی او کا بتانا ہے کہ مئی میں ضلع ایسٹ میں سب سے زیادہ 9433، ضلع وسطی میں 7141،ضلع جنوبی میں 3145، ضلع غربی میں 2922 ، کیماڑی میں17011، کورنگی میں 3453 اور ملیر میں4606 والدین نے انکار کیا۔
انسداد پولیو مہم سے انکار کی شرح اب بھی ایک مستقل چیلنج ہے اور پولیو کےخاتمے کے لیے والدین کے مسلسل تعاون کی ضرورت ہے۔
پولیو کے خطرے سے دوچار یونین کونسلز پر خاص توجہ دی جا رہی ہے جب کہ ویکسین سے انکار کی بڑی وجوہات غلط فہمیاں اور آگاہی کی کمی ہے۔
مزید خبریں :
ملک بھر کے47 ماحولیاتی نمونوں میں پولیو وائرس کی تصدیق
14 جون ، 2025
امراض قلب اور ذیابیطس کا خطرہ کم کرنے والی بہترین غذا
12 جون ، 2025
