20 جون ، 2025 
پاکستان
پرنسپل سیکرٹری قائم مقام گورنر کی رسائی کو نہ روکیں: عدالت کا حکم—فوٹو: فائل
سندھ ہائیکورٹ نے اویس شاہ کو گورنر ہاؤس کے دفتر میں داخلے کی اجازت دیدی
20 جون ، 2025
کراچی: سندھ ہائیکورٹ نے قائم مقام گورنر کو گورنرہاؤس سندھ کے مرکزی دفتر میں داخلے کی اجازت دے دی۔
قائم مقام گورنر سندھ اویس قادر شاہ نے گورنر ہاؤس کی چابیاں ساتھ لے جانے پر کامران ٹیسوری کے خلاف عدالت میں درخواست دائر کی تھی جسے فوری سماعت کے لیے منظور کیا گیا۔
دوران سماعت سندھ ہائیکورٹ نے قائم مقام گورنر کو گورنرہاؤس سندھ کے مرکزی دفتر میں داخلے کی اجازت دی اور کہا کہ پرنسپل سیکرٹری قائم مقام گورنر کی رسائی کو نہ روکیں۔
اس کے علاوہ عدالت نے 23 جون کے لیے پرنسپل سیکرٹری سے رپورٹ طلب کرتے ہدایت کی کہ عدالتی حکم نامے کی کاپی صدر اور پرنسپل سیکرٹری کو ارسال کی جائے۔
