10 جون ، 2013 
چیمپئنزٹرافی: جنوبی افریقا کی پاکستان کیخلاف ٹاس جیت کر بیٹنگ
10 جون ، 2013
ایجبسٹن…آئی سی سی چیمپئنز ٹرافی میں گروپ بی کے ایک میچ میں جنوبی افریقا نے پاکستان کے خلاف ٹاس جیت کر بیٹنگ کا فیصلہ کیا ہے،پاکستان نے اس میچ کیلئے ٹیم میں ایک تبدیلی کی ہے اور اسد شفیق کی جگہ عمر امین کو ٹیم میں شامل کیا ہے،جبکہ جنوبی افریقا نے دوتبدیلیا ں کی ہیں، مورنے مورکل کی جگہ کرس مورس جبکہ روری کلین ویلٹ کی جگہ آرون فینگیسو کو آج کے میچ میں موقع دیا گیا ہے۔کرس مورس کا یہ پہلا ون ڈے انٹرنیشنل میچ ہے۔ یہ میچ دونوں ٹیموں کے لیے انتہائی اہمیت اختیار کر گیا ہے ، چیمپئنز ٹرافی کے پہلے میچ میں پاکستان کو ویسٹ انڈیز نے ہرایا اور اسی گروپ میں بھارت نے جنوبی افریقا کوشکست دی ، آج دو ہاری ہوئی ٹیموں کے لیے یہ میچ جیتنا ضروری ہے، پاکستان کا اگلا ٹکراوٴ بھارت سے ہونا ہے۔ جنوبی افریقا کے خلاف پاکستان کبھی آئی سی سی ورلڈ کپ یا چیمپئنز ٹرافی میں نہیں جیت سکا، ایجبسٹن کی وکٹ پر بھی پاکستان کی جیت کی شرح کم ہے جبکہ اسی گراوٴنڈ پر جنوبی افریقا کی جیت کا تناسب سو فیصد ہے۔
مزید خبریں :
کوہلی نہ روہت، سب سے زیادہ معاوضہ لینے والا بھارتی کرکٹر کون؟
30 نومبر ، 2024
لائیو کرکٹ میچ کے دوران کھلاڑی دل کا دورہ پڑنے سے چل بسا
30 نومبر ، 2024
شاہد آفریدی جلد جیو پوڈکاسٹ کے پہلے مہمان بنیں گے
29 نومبر ، 2024
