17 ستمبر ، 2013 
پنجاب: مظفر گڑھ کے گاوٴں میں بھی حوا کی ایک بیٹی لٹ گئی
17 ستمبر ، 2013
مظفر گڑھ…پنجاب کے جنوبی ضلع مظفر گڑھ کے ایک گاوٴں میں بھی حوا کی بیٹی لٹ گئی۔پولیس کئی روز گزرنے کے بعد بھی ملزموں کو گرفتار نہ کر سکی ۔ تحصیل علی پور کے گاوٴں عظمت پور کے محنت کش کی بیٹی کو گاوٴں کے تین افراد اغوا کر کے لے گئے۔درندہ صفت ملزم لڑکی کو تین روز تک زیادتی کا نشانہ بناتے رہے۔مظلوم لڑکی کے والدین پولیس کے پاس گئے مقدمہ تودرج ہو گیا، لیکن ملزم کو گرفتار نہ کیا گیا۔ انصاف کی تلاش میں متاثرہ خاندان لاہور پہنچ گیا۔ لڑکی کی والدہ نے جیو نیوز کو بتایا کہ ملزم یاسین ان کے شوہر کو اپنی ملازمت کے لئے مجبور کرتا تھا۔ لیکن بڑھاپے کے باعث وہ محنت کے قابل نہیں۔اسی بات کا بدلہ لینے کے لئے ملزم نے بچی کو اغوا کیا۔انہوں نے بتایا کہ ملزمان نے اپنا اثر و رسوخ استعمال کیا اور میڈیکل رپورٹ بھی غلط جاری کرا دی۔
