25 ستمبر ، 2013 
دہشت گردوں کااگلاہدف عدالتیں ہوسکتی ہیں،سی سی پی او لاہور
25 ستمبر ، 2013
لاہور…لاہورپولیس نے خبردار کیاہے کہ دہشت گردوں کاآئندہ ہدف عدالتیں ہوسکتی ہیں۔یہ انکشاف کیپٹل سٹی پولیس آفیسر چودھری شفیق احمد کی طرف سے لاہور پولیس اوربارایسوسی ایشنز کولکھے گئے خط میں کیاگیا۔سی سی پی اونے اپنے خط میں لکھاہے کہ خفیہ اطلاع کے مطابق دہشت گرد وکلاء کی یونی فارم حاصل کرنے کی کوشش کررہے ہیں جس سے اندازہ لگایاگیاہے کہ دہشت گردوں کااگلا ٹارگٹ عدلیہ ہے اوروہ لاہور کی کسی بھی عدالت کونشانہ بنانے کاارادہ رکھتے ہیں۔اس لئے سپریم کورٹ،ہائی کورٹ،سول،سیشن اوردیگرماتحت عدالتوں کی سیکیورٹی پر خصوصی توجہ دینے کی ضرورت ہے۔خط میں پولیس افسروں کوہدایت کی گئی ہے کہ وہ بذات خودبھی ان مقامات کی سیکیورٹی چیک کریں اورڈیوٹی پر تعینات عملے کوبھی الرٹ کریں۔بارایسویسی ایشنزسے پولیس کے ساتھ تعاون کی درخواست کی گئی ہے۔
