14 اکتوبر ، 2013 
میدانِ عرفات میں لاکھوں حاجیوں کا روح پرور اجتماع
14 اکتوبر ، 2013
میدانِ عرفات…حج کا رکن اعظم رکن وقوف عرفات ادا کیا جا رہا ہے۔ دنیا بھر سے آئے ہوئے لاکھوں فرزندانِ اسلام آج حج کا رکن اعظم رکن وقوف عرفات ادا کر رہے ہیں۔ اس کے بعد حجاج کرام آج شام مزدلفہ جائیں گے جہان وہ صبح تک قیام کریں گے۔ رات منیٰ میں قیام کے بعد اب عازمین میدان عرفات میں ہیں۔ عرفات میں وقوف کے دوران عازمین حج تلبیہ پڑھنے، استغفار کرنے اور تسبیح کے ساتھ ساتھ دعاوٴں میں مصروف رہتے ہیں۔ یہاں حجاج نے مفتی اعظم شیخ عبدالعزیز آل الشیخ کا خطبہٴ حج سنا۔ خطبے کے بعد ظہر اور عصر کی قصر نمازیں ایک ساتھ ادا کی گئیں۔ حج کا رکنِ اعظم وقوف ِ عرفات ادا کرکے سورج غروب ہونے کے بعد حجاج کرام مزدلفہ روانہ ہوجائیں گے جو میدان عرفات سے چھ کلومیٹر دور ہے۔ حجاجِ کرام مزدلفہ میں مغرب اور عشاء کی نمازیں ایک ساتھ ادا کریں گے اور پھر نماز فجر تک وہیں رہیں گے۔ مزدلفہ میں رات قیام کے دوران حجاج رمیٴ جمرات کیلئے کنکریاں چنیں گے۔
مزید خبریں :
امریکی ائیرپورٹ پر ایک طیارہ دوسرے طیارے سے ٹکرا گیا
10 گھنٹے پہلے
ٹیکساس: آسٹن کے پارکنگ لاٹ میں فائرنگ سے 3 افراد ہلاک
12 اگست ، 2025
قطر کی غزہ میں صحافیوں کو جان بوجھ کر نشانہ بنانے کی مذمت
12 اگست ، 2025
