17 دسمبر ، 2013 
پاکستان اور سری لنکا کے درمیان پہلا ون ڈے کل کھیلاجائے گا
17 دسمبر ، 2013
شارجہ…سری لنکا سے ٹی ٹوئنٹی سیریز برابر کرنے کے بعد پاکستان کرکٹ ٹیم کا اب اگلا امتحان ون ڈے میں ہوگا،دونوں ملکوں کے درمیان پانچ میچوں پر مشتمل سیریز کا پہلا ون ڈے کل شارجہ میں ہوگا۔جیو سوپر سیریز کے تمام میچز براہ راست نشر کرے گا۔ دونوں ٹیمیں سیریز کی تیاریوں میں مصروف ہیں۔ گذشتہ روز پاکستانی کھلاڑیوں نے فلڈ لائٹس میں نیٹ پریکٹس کی۔ کس میں کتنا ہے دم اس کا اندازہ پہلے ایک روزہ میچ سے ہوجائے ہوگا۔ حیران کن طور پر پاکستان اور سری لنکا کی ٹیمیں ڈیڑھ سال کے بعد ون ڈے کرکٹ میں مدمقابل آرہی ہیں۔ جون 2012 کے بعد سے دونوں ٹیمیں ایک روزہ کرکٹ میں سامنے نہیں آئیں۔ مصباح الحق کی قیادت میں پاکستان ٹیم گزشتہ سال دورہ سری لنکا میں تین ایک سے ناکام رہی تھی۔پاکستانی کھلاڑی پریکٹس کے دوران فیلڈنگ پر بھرپور توجہ دے رہے ہیں اور خامیوں پر قابو پانے کی کوشش کررہے ہیں۔ ادھر سری لنکن کھلاڑی بھی یو اے ای کی کنڈیشنز میں اچھی طرح ایڈجسٹ ہونے کے لئے سرگرم ہیں۔
مزید خبریں :
