29 دسمبر ، 2013 
لاہور:عوامی تحریک کی مہنگائی،بیروزگاری،بدامنی کیخلاف ریلی
29 دسمبر ، 2013
لاہور…پاکستان عوامی تحریک لاہورمیں مہنگائی،بیروزگاری،کرپشن اوربدامنی کیخلاف ریلی نکال رہی ہے،یہ ریلی ناصر باغ سے شروع ہو کرپنجاب اسمبلی کے سامنے فیصل چوک پہنچ کر اختتام پذیر ہو گی ۔عوامی تحریک کے کارکنوں کی ٹولیاں صبح ہی ناصرباغ پہنچنا شروع ہو گئیں،دوسرے شہروں سے بھی گاڑیوں کے قافلے آرہے ہیں، خواتین کی بڑی تعدادبھی موجود ہے،شرکاء نے پاکستان عوامی تحریک اور قومی پرچم اٹھا رکھے ہیں اور وہ مہنگائی اور بدامنی کے خلاف نعرے بازی کر رہے ہیں، پمفلٹ بھی تقسیم کئے جا رہے ہیں،ریلی کی قیادت پاکستان عوامی تحریک فیڈرل کونسل کے صدر حسین محی الدین قادری کریں گے،پولیس کی بھاری نفری ناصر باغ،چوک انارکلی ، ہائیکورٹ چوک،ریگل چوک اورچیرنگ کراس چوک میں موجود ہے،ریگل چوک میں بڑی اسکرینیں لگادی گئی ہیں،پاکستان عوامی تحریک کے سربراہ علامہ طاہر القادری ریلی سے ویڈیو لنک کے ذریعے خطاب کریں گے۔
