29 دسمبر ، 2013 
طاہر القادری مسلمہ جھوٹ کے سوداگر ہیں ،پر ویز رشید
29 دسمبر ، 2013
اسلام آباد… وفاقی وزیراطلاعات سینٹرپرویز رشید نے کہا ہے کہ سربراہ پاکستان عوامی تحریک ڈاکٹر طاہر القادری ایک مسلمہ جھوٹ کے سوداگر ہیں ، وہ ایسے اداکار ہیں جو آمریت کا انتظار کرتے ہیں جو اب پاکستان میں کبھی نہیں آئے گی،سربراہ پاکستان عوامی تحریک ڈاکٹر طاہر القادری کی لاہور میں مہنگائی کیخلاف احتجاجی ریلی سے ٹیلی فونک خطاب کے ردعمل میں وفاقی وزیراطلاعات سینٹر پرویز رشید نے اپنے ایک بیان میں کہا ہے کہ طاہر القادری ایک مسلمہ جھوٹ کے سوداگر ہیں ، پاکستان میں سیلاب یا زلزلہ آتا ہے تو قادری سوداگر غائب ہوجاتے ہیں۔ انھوں نے کہا کہ جب پاکستان میں دہشت گردی ہوتی ہے تو کنٹینر بابا خاموش ہوجاتے ہیں ،کنٹینر بابا نہ پہلے کامیاب ہوئے اور نہ اب ہوں گے۔وفاقی وزیراطلاعات نے کہا ایسے اداکار آمریت کے دور کا انتظار کرتے ہیں جو اب پاکستان میں کبھی نہیں آئے گی۔
مزید خبریں :
