08 جنوری ، 2014 
نجکاری بورڈ کا 31اداروں کی نجکاری کیلئے حکمت عملی پرغور
08 جنوری ، 2014
اسلام آباد…نجکاری بورڈ آج 31 اداروں کی نجکاری کیلئے حکمت عملی تیار کر رہا ہے ۔پی آئی اے، پاکستان اسٹیل ملز اور نیشنل پاور کنسٹرکشن کمپنی کی نج کاری اولین ترجیحات میں شامل ہے۔ نجکاری بورڈ کا اجلاس چیئرمین محمد زبیر کی زیر صدارت ہو رہا ہے جو کل بھی جاری رہے گا۔ ذرائع کے مطابق اجلاس میں دسمبر 2014 تک 10 اداروں کی نجکاری کی فہرست تیار کی جائے گی جب کہ پی آئی اے اور اسٹیل ملز کی نج کاری کیلئے مالیاتی مشیر مارچ تک مقرر کرنے پر غور کیا جا ئے گا۔ ذرائع کا کہنا ہے کہ بجلی کی تقسیم کار کمپنیز کی نجکاری زیر غور نہیں، اولین ترجیح پی آئی اے، اسٹیل ملز، نیشنل پاور کنسٹرکشن کمپنی اور کنونشن سینٹر کی نجکاری ہے۔بورڈ میٹنگ میں حبیب بینک، یوبی ایل کے حصص فروخت کرنے کی حکمت عملی بھی تیار کی جائے گی۔ ذرائع کے مطابق او جی ڈی سی ایل اور پی پی ایل کے حصص براہ راست عوام کو فروخت کرنے کے طریقہ کار پر بھی غور کیا جا سکتا ہے۔
