دنیا
09 فروری ، 2014
09 فروری ، 2014 
مدینہ منورہ :ہوٹل میں آگ لگنے سے 15زائرین جاں بحق ،47 زخمی
09 فروری ، 2014
مدینہ منورہ…مدینہ منورہ میں واقع ہوٹل میں آگ لگنے سے کم از کم 15زائرین جاں بحق اور 47 زخمی ہوگئے۔ عرب ٹی وی کے مطابق آگ مغرب کے وقت مسجد نبوی کے قریب واقع اشراق المدینہ ہوٹل کی نچلی منزل میں لگی جو دیکھتے ہی دیکھتے اوپر کی منزلوں تک پہنچ گئی۔ فائر بریگیڈ کی سولہ گاڑیاں موقع پر پہنچ گئیں اور آگ بجھانے کی کوششیں شروع کردیں، ایمبولینسوں اور ائر ایمبولنس کو بھی طلب کرلیا گیا۔ ابتدائی رپورٹ کے مطابق جھلسنے اور دم گھٹنے سے 15زائرین جاں بحق ہوگئے جن کا تعلق مصر سے بتایا جاتا ہے۔47 افراد زخمی ہوئے جنہیں اسپتال منتقل کردیا گیا ہے۔ آگ لگنے کی وجہ معلوم نہیں ہوسکی۔
مزید خبریں :
ٹرمپ نے ایک بار پھر تھائی لینڈ اور کمبوڈیا کے درمیان جنگ رکوادی
12 دسمبر ، 2025
