07 مارچ ، 2014 
ایران پاکستان کو 100میگاوٹ ہاور بجلی فراہم کرے گا
07 مارچ ، 2014
کراچی… محمد رفیق مانگٹ…ایران پاکستان کو 100میگاوٹ ہاور بجلی فراہم کرے گا، اور اس کے لئے جلد معاہدے پر دستخط ہو ں گے۔ایرانی خبر رساں ادارے کے مطابق ایران پاکستان کو بجلی کی برآمدات میں اضافہ کر کے اسے 100 میگا واٹ ہاور تک کرنے کا منصوبہ بنا رہا ہے۔ سیستان و بلوچستان ریجنل الیکٹرک کمپنی کے منیجنگ ڈائریکٹر محب علی قاذق جہد نے ایرانی خبر رساں ایجنسی IRIBسے بات کرتے ہوئے کہا کہ تہران اس وقت اسلام آباد کو70میگاواٹ ہاور بجلی فراہم کر رہا ہے، ایران پاکستان کو بجلی کی برآمد میں اضافہ کرنے کا ارادہ رکھتاہے دونوں ممالک مستقبل قریب میں بجلی کی برآمد کے لیے ایک نئے معاہدے پر دستخط کریں گے۔ایران سالانہ15ارب کلو واٹ ہاوربجلی ایکسپورٹ کر رہا ہے۔ ایران اس وقت تمام ہمسایہ ممالک کو بجلی برآمد کر رہا ہے ایران دنیا کا 14واں بڑا بجلی کا پیدا کنندہ ہے اور مشرق وسطیٰ میں پہلا ہے۔ایران نے تین پاور پلانٹس کی تعمیر میں 1.1ارب کی سرمایہ کاری ہوئی ہے۔
مزید خبریں :
