کراچی.......متحدہ قومی موومنٹ کی رابطہ کمیٹی اورایم کیوایم کے ذمہ داران پرمشتمل وفدنے شب برأ ت کے موقع پرشہداء قبرستان اورپاپوشنگرقبرستان کراچی کے مختلف قبرستانوںکادورہ کیا اور قائدتحریک الطاف حسین کے والدین،بڑے بھائی ناصرحسین شہید،بھتیجے عارف حسین شہیداورشہیدانقلاب ڈاکٹرعمران فاروق سمیت تمام حق پرست شہداء کی قبروں پر حاضری دی ،پھولوںکی چادرچڑھائی اور تمام مرحومین اورشہداء کی مغفرت،ان کے درجات کی بلندی کے لئے فاتحہ خوانی کی ۔اس موقع پروفدنے الطاف حسین سمیت تمام سوگواران کے صبرجمیل سمیت ایم کیوایم کی کامیابی،سازشوںکے خاتمے ،اسیروںکی رہائی ،بیماروںکوشفاء اورقائدتحریک کی درازی عمرصحت وتندرستی کے لئے اجتماعی دعائیںکیں،وفدمیںرابطہ کمیٹی کے ڈپٹی کنوینرزڈاکٹرخالدمقبول صدیقی،انجینئرناصرجمال،اراکین رابطہ کمیٹی کنورخالدیونس،احمدسلیم صدیقی،خالد سلطان ، کیف الورایٰ ،حق پرست سینیٹرمولاناتنویرالحق تھانوی،فاروق احمد وبیگم فاروق احمد،کراچی تنظیمی کمیٹی کے انچارج واراکین،شعبہ جات کے ارکان اورعلاقائی سیکٹرزویونٹ کمیٹیوں کے ذمہ داران وکارکنان شامل تھے۔اس موقع پروفدنے ڈپٹی کنوینرزواراکین رابطہ کمیٹی نے قبرستانوںمیں صفائی ،ستھرائی اورلائٹنگ کے انتظامات کا جائزہ لیااور قبرستانوں کے باہرخدمت خلق فائونڈیشن کی جانب سے لگائی گئیں ٹھنڈے پانی کی سبیلوںاور کیمپوںکادورہ کرکے کارکنان سے ملاقات کی اوراپنے ہاتھوںسے قبرستان آنے والے شہریوںمیںاگربتیاںکے پیکٹس ، ماچس اورگلاب کی پتیاںتقسیم کیں اوانہیںٹھنڈاپانی اورمشروبات پلائے۔