15 اپریل ، 2012 
آئی پی ایل:کنگز الیون پنجاب نے کولکتہ کو 2رنز سے ہرادیا
15 اپریل ، 2012
کولکتہ …آئی پی ایل فائیو میں کنگز الیون پنجاب نے کولکتہ نائٹ رائیڈرز کو دلچسپ مقابلے کے بعد دو رنز سے ہرادیا کولکتہ کے ایڈن گارڈنز میں کھیلے گئے اس میچ میں پہلے بیٹنگ کرتے ہوئے کنگز الیون پنجاب نے 9 وکٹوں کے نقصان پر اپنے مقررہ بیس اوورز میں 134ر نز بنائے، جس میں مندیپ سنگھ 38 اور ڈیوڈ ہسی 32رنز کے ساتھ نمایاں رہے، کولکتہ کے سنیل نارائن نے 19رنز کے عوض پانچ کھلاڑیوں کو شکار کیا، جواب میں کولکتہ نائٹ رائیڈرز اس آسان ہدف کے تعاقب میں 7 وکٹ پر 132تک محدود رہی، دیباب رتا داس نے سب سے زیادہ 35رنز بنائے، بسلا نے 27رنز کی اننگز کھیلی،پنجاب کے پیوش چاوٴلہ نے تین وکٹیں حاصل کرکے اپنی ٹیم کی جیت میں مرکزی کردارادا کیا۔سنیل نارائن کو بہترین بولنگ پرفارمنس پر مین آف دی میچ قرار دیا گیا۔
