27 اگست ، 2014 
پی ٹی آئی کے دئیے گئے استعفوں کا جائزہ لوں گا؛ رانا محمد اقبال
27 اگست ، 2014
سرگودھا...... اسپیکر پنجاب اسمبلی رانا محمد اقبال کاکہناہے کہ تحریک انصاف کے جن 28 اراکین پنجاب اسمبلی نے استعفے دیئے ہیں وہ اسکاجائزہ لیں گے، انفرادی طور پر ارکان اسمبلی سے پوچھیں گے کہ کہیں کسی نےدباؤ میں تو استعفیٰ نہیں دیا۔ یہ بات اسپیکر پنجاب اسمبلی نےسرکٹ ہاؤس سرگودھا میں جیو نیو ز سے بات چیت کرتے ہو ئےکہی ۔ رانا محمد اقبال نےکہا کہ پنجا ب اسمبلی میں تحر یک انصا ف کے جن 28 ارکان اسمبلی نے استعفے دیئے ہیں، وہ انفراد ی طور پر تمام استعفوں کاجائزہ لیں گے کہ کسی دباؤ میں آ کر تو کسی رکن اسمبلی نے استعفیٰ نہیں دیا۔ انھوں نے کہا کہ اسپیکر پابند نہیں کہ وہ کتنے عرصےمیں استعفے منظور کر تا ہے۔ اسپیکرکا مزید کہنا تھا کہ پور ی قوم دہشت گردوں کے خلاف جنگ لڑ رہی ہے، ان حالات میں دھرنے دینا مناسب نہیں ۔ دھرنے دینے والے اراکین،اسمبلی کے سا تھ ساتھ قوم کا بھی استحقاق مجروح کر رہے ہیں۔
