موہالی،چندی گڑھ…انڈین پریمیئر لیگ کے بدھ کو ہونے والے میچ میں کولکتہ نائٹ رائیڈرز نے کنگز الیون پنجاب کو آٹھ وکٹوں سے شکست دیدی۔اس سے قبل موہالی کے پنجاب کرکٹ اسٹیڈیم میں ہونے والے اس میچ کا ٹاس پنجاب کے کپتان ایڈم گلکرسٹ نے ٹاس جیت کر پہلے بیٹنگ کا فیصلہ کیا جوکہ انکی ٹیم کے لیے زیادہ سودمند ثابت نہ ہوسکااور پنجاب کی ٹیم اپنے مقررہ بیس اوورز میں سات وکٹوں کے نقصان پر 124تک محدود رہی ، جس میں کپتان گلکرسٹ 40اور مارش 33کے ساتھ سرفہرست رہے جبکہ دیگر بیٹسمین خاطر خواہ اسکور کرنے میں ناکام رہے۔پنجاب کی بیٹنگ لائن کی تباہی میں مرکزی کردار بریٹ لی اور نارائن نے ادا کیا۔ بریٹ لی 2،نارائن 2جبکہ بالاجی اور بھاٹیا نے ایک وکٹ حاصل کی۔جواب میں کولکتہ کی ٹیم کو 125کا ہدف حاصل کرنے میں زیادہ تگ و دو کی ضرورت نہ پڑی اور کپتان گوتم گمبھیر66ناٹ آؤٹ اور جیک کیلس 30ناٹ آؤٹ نے مطلوبہ ہدف کو باآسانی حاصل کرلیا۔کولکتہ نے دو وکٹوں کے نقصان پر 127رنز 16.3اوورز میں پورا کرکے یہ میچ اپنے نام کرلیا۔واضح رہے کہ یہ میچ موہالی پنجاب سے براہ راست پاکستان کے واحد اسپورٹس چینل جیو سوپر پر دکھایا گیا۔