دبئی… پاکستان اور انگلینڈ کے درمیان ٹیسٹ سیریز کا دوسرا میچ کل سے شروع ہو رہا ہے،پہلے ٹیسٹ میں پاکستان کے ہاتھوں بدترین شکست انگلش ٹیم سے بھلائے نہیں بھول رہی، سعید اجمل کے ہاتھوں پٹنے والی ٹیم نے ابوظہبی ٹیسٹ سے پہلے پریکٹس میں مقامی اسپنرز کی خدمات بھی لیں۔پاکستان اور انگلینڈ کے درمیان سیریز کا دوسراٹیسٹ کل سے ابوظہبی میں شروع ہوگا،پہلے ٹیسٹ میں انگلش ٹیم کی وکٹیں اڑانے والے سعید اجمل کا ہّوا انگلش بلے بازوں سے ایسا چمٹا کہ ابوظہبی میں خصوصی پریکٹس کے دوران انہوں نے مقامی اسپنرز کو بھی دعوت دے ڈالی،سعید اجمل سے ڈرے ہوئے انگلش کھلاڑی پریکٹس کے دوران زیادہ تر آف اسپن کرانے کی درخواست کرتے رہے۔پاکستانی ٹیم نے بھی جیت کا سلسلہ برقرار رکھنے کیلئے بھرپور پریکٹس کی۔ دوسری طرف پاکستانی نوجوان فاسٹ بولر محمد طلحہ کمر کی تکلیف کا شکار ہوکر سیریز سے ہو گئے ہیں باہر۔ لیکن ان کے بدلے ابھی کسی کھلاڑی کا نام سامنے نہیں آیا۔ ذرائع کے مطابق اسد شفیق کی جگہ عمر اکمل بھی ٹیم کا حصہ بن سکتے ہیں۔