30 اپریل ، 2012 
کراچی:شیرشاہ فائرنگ کا زخمی چل بسا، ہلاکتیں3ہو گئیں
30 اپریل ، 2012
کراچی… شیر شاہ میں فائرنگ کا ایک اور زخمی دم توڑ گیا جس کے بعد آج صبح فائرنگ کے واقعے میں ہونے والی ہلاکتوں کی تعداد3ہو گئی۔ آج صبح شیر شاہ کے علاقے پراچہ چوک پر نامعلوم افراد نے صبح کے وقت اچانک فائرنگ کر دی جس کے نتیجے میں ایک شخص ہلاک جبکہ دو زخمی ہو گئے۔ زخمیوں کو سول اسپتال منتقل کیا گیا جہاں پہنچ کر ایک زخمی دم توڑ گیا تاہم زخمی کی حالت تشویش ناک تھی۔دوران علاج وہ زخمی بھی چل بسا۔ واقعے کے بعد شیر شاہ کے ہی علاقے میں نامعلوم مشتعل افرادنے دو منی بسوں کو آگ لگا دی۔ واقعہ کے بعد علاقے کی صورتحال کشیدہ ہو گئی اور کاروبار بند ہو گیا تاہم رینجرز اور پولیس کی بھاری نفری موقع پر پہنچ گئی ہے۔ ادھر پاک کالونی کے علاقے میں بھی مشتعل افراد نے ہنگامہ آرائی کرتے ہوئے ٹائر جلا کر سڑک بلاک کر دی۔
مزید خبریں :
یونان کشتی حادثےکا مرکزی ملزم عثمان ججہ گرفتار ہوگیا
5 گھنٹے پہلے
رمضان میں پیپلز بس سروس کے اوقات میں توسیع کا اعلان
09 مارچ ، 2025
