لاہور :  پاکستان سپر لیگ (پی ایس ایل) 6 کے بقیہ میچز  ابوظبی میں ہوں گے  جس کی تصدیق امارات کرکٹ بورڈ نے کر دی ہے۔

پی ایس ایل کے بقیہ میچز کیلئے اگلے دو روز اہم قرار

پی سی بی یو اے ای میں پی ایس ایل کے بقیہ میچز کروانے کیلئے پر امید ہے کیونکہ یو اے ای میں میچز کیلئے مثبت اشارے مل رہے ہیں: ذرائع

ذرائع کا کہنا ہے کہ تمام آپریشنل معاملات کا جائزہ لینے کے بعد پی سی بی تفصیلات جاری کرے گا۔

ذرائع کے مطابق امارات کرکٹ بورڈ کو اپنی حکومت کی جانب سے پی ایس ایل کے انعقاد کی کلیئرنس مل گئی ہے۔

ایونٹ منتقل ہونے سے فرنچائزز اور دیگراسٹیک ہولڈرز کو اضافی اخراجات کا سامنا ہے، اس  حوالے سے بھی معاملات طے کیے جائیں گے، پی ایس ایل کے براڈ کاسٹ عملے کو  یو اے ای میں انٹری کی اجازت میں مشکلات ہیں، براڈ کاسٹرز کا بیشترعملہ بھارت اور جنوبی افریقا پر مشتمل ہے اور  دونوں ملکوں کے شہریوں پر  یو اے ای میں داخلے پر پابندی ہے۔

خیال رہے کہ پی ایس 6 میں 34 میچز کھیلے جانے تھے اور ابتدائی 14 میچز پاکستان میں کھیلے جاچکے ہیں۔ ایونٹ میں شریک کھلاڑیوں میں کورونا کیسز سامنے آنے کے بعد ایونٹ ملتوی کردیا گیا تھا۔

پی ایس ایل ملتوی، چیف ایگزیکٹو پی سی بی آج اہم پریس کانفرنس کریں گے

وسیم خان پی سی بی کے دیگر اعلیٰ حکام کے ساتھ نیشنل اسٹیڈیم میں اہم پریس کانفرنس کریں گے۔

معاملات کو حتمی شکل دیے جانے کے بعد فائنل سمیت بقیہ 20 میچز  ابوظبی میں کرائے جائیں گے۔