کوئٹہ گلیڈی ایٹرز کے آل راؤنڈر جیمز فالکنر پاکستان سپر  لیگ سے دستبردار  ہوگئے۔

ٹوئٹر پر جاری بیان میں جیمز فالکنر نے پاکستان کرکٹ فینز سے معذرت کرتے ہوئے کہا کہ وہ پاکستان سپر لیگ سے دستبردار ہوچکےہیں اور آخری کے دو میچز نہیں کھیلیں گے۔

فالکنر نے لیگ سے دستبرداری کی وجہ پاکستان کرکٹ بورڈ کو قرار دیتے ہوئے کہا کہ ان سے معاہدے کی پاسداری نہیں کی گئی ہے۔

آسٹریلوی کرکٹر کا کہنا تھا کہ وہ اپنے پورے وقت کے لیے یہاں موجود رہے ہیں لیکن ان سے بورڈ نے مسلسل جھوٹ بولا جس وجہ سے وہ دلبرداشتہ ہوئے اور لیگ کو چھوڑا۔

فالکنر نے مزید کہا کہ وہ پاکستان میں انٹرنیشنل کرکٹ کی واپسی کیلئے مدد کرنا چاہتے تھے کیونکہ یہاں بہت زیادہ ینگ ٹیلنٹ ہے اور شاندار کرکٹ فینز ہیں لیکن پی سی بی اور پی ایس ایل انتظامیہ کی جانب سے ان سے برتا جانے والے سلوک نامناسب ہے۔

کرکٹر کا کہنا تھا کہ یقین ہےکہ آپ سب میری پوزیشن کو سمجھتے ہیں۔

دوسری جانب کوئٹہ گلیڈی ایٹرز کے ذرائع کاکہنا ہے کہ فالکنر اور گلیڈی ایٹرز کے درمیان  رقم کا تنازع تھا، اس معاملے پر پی سی بی  اور  لیگ  انتظامیہ ہی مؤقف دے گی۔

ویڈیو: ملتان اور کوئٹہ کے میچ میں علیم ڈار نے دورانِ میچ کس بولر کو اور کیوں پکڑا؟

امپائر علیم ڈار نے شرارت کی، اس منظر سے کمنٹیٹرز بھی خوب لطف اندوز ہوئے

نسیم شاہ اور خوشدل شاہ کے درمیان تلخ کلامی

ملتان سلطانز اور کوئٹہ گلیڈی ایٹرز کے درمیان میچ میں ملتان کے بیٹرز نے کوئٹہ کے بولرز کی خوب پٹائی کی اور 245 رنز بنا لیے