ملتان سلطانز نے پاکستان سپر لیگ میں نئی تاریخ رقم کردی

time 20 فروری ، 2022

پاکستان سپر لیگ (پی ایس ایل) 7 میں بطور دفاعی چیمپئنز میدان میں اترنے والی ملتان سلطانز کی ٹیم نے ٹورنامنٹ میں نئی تاریخ رقم کرتے ہوئے لیگ مرحلے میں 9 میچز جیتنے والی پہلی ٹیم بننے کا اعزاز حاصل کرلیا۔

ملتان سلطانز نے اتوار کی شب اپنے آخری لیگ میچ میں اسلام آباد یونائٹیڈ کو شکست دی اور مرحلہ دس میں سے نو میچز جیت کر مکمل کیا، اس کے مجموعی پوائنٹس کی تعداد 18 رہی اور وہ لیگ اسٹیج میں سب سے زیادہ میچز جیتنے والی ٹیم بن گئی ہے۔

ملتان کو ٹورنامنٹ میں صرف ایک میچ میں شکست ہوئی اور یہ شکست اسے لاہور قلندرز نے دی ہے۔

دلچسپ بات یہ ہے کہ آج ہی کے دن کراچی کنگز بھی پی ایس ایل کے ایک ایڈیشن میں نو میچز ہارنے والی پہلی ٹیم بن گئی، اس کو آج کوئٹہ گلیڈی ایٹرز نے شکست دی تھی۔

یہاں یہ بات قابل ذکر ہے کہ ملتان سلطانز اور کراچی کنگز دونوں ہی کے دس میں سے دس کا ریکارڈ بننے کی راہ میں رکاوٹ لاہور قلندرز کی ٹیم بنی۔

جہاں لاہور قلندرز ملتان سلطانز کو شکست دینے والی واحد ٹیم ہے وہیں لاہور قلندرز کراچی کنگز سے میچ ہارنے والی بھی واحد ٹیم ہی ہے۔

مزید خبریں

پاکستان سپر لیگ کی گورننگ کونسل کا اجلاس آج ہوگا

افغانستان سے ٹی ٹوئنٹی سیریز میں شکست پر محمد رضوان نے کیا کہا؟

پی ایس ایل 8 کی ٹرافی واہگہ بارڈر پہنچ گئی

پی ایس ایل فائنل میں امپائر کیساتھ نازیبا گفتگو، منیجر ملتان سلطانز پر پابندی عائد

لاہور قلندرز کے انگلش کھلاڑی سیم بلنگز کی رمضان کی مبارکباد

وسیم اکرم نے پی ایس ایل 8 کا احاطہ کرتی میمز شیئر کر دیں

تمام خبریں دیکھیں

پوائنٹس ٹیبل

ٹیم	میچ	پوائنٹ
لاہور قلندرز	10	14
ملتان سلطان	10	12
اسلام آباد یونائیٹڈ	10	12
پشاور زلمی	10	10
کراچی کنگز	10	6
کوئٹہ گلیڈی ایٹرز	10	6

@geonews_sport

Tweets by geonews_sport

@thePSLt20