2020 کا پاکستان سپر لیگ (پی ایس ایل ) ٹورنامنٹ جیتنے والی کراچی کنگز کی ٹیم نے پی ایس ایل کا ایک اور ریکارڈ اپنے نام کرلیا ہے، وہ اس ٹورنامنٹ کے ایک ایڈیشن میں 9 میچز ہارنے والی پہلی ٹیم بن گئی ہے۔ 

کراچی کنگز نے یہ کارنامہ اتوار کی شام کوئٹہ گلیڈی ایٹرز کے ہاتھوں شکست کے ساتھ انجام دیا۔

کراچی اور لاہور میں ہونے والا پی ایس ایل 7  کراچی کنگز کے لیے ڈراونا خواب ثابت ہوا اور وہ اس ٹورنامنٹ میں صرف ایک میچ ہی جیت سکی جب کہ 9 میچز میں اس کو شکست کا سامنا کرنا پڑا ، یہ پی ایس ایل کی تاریخ میں کسی بھی ٹیم کا سب سے خراب ریکارڈ ہے۔

اس سے قبل یہ ریکارڈ کوئٹہ گلیڈی ایٹرز کے پاس تھا جو گزشتہ سال دس میں سے آٹھ میچز میں ناکام ہوئی تھی ۔

کراچی کنگز نے اس سے قبل ایک ایڈیشن میں مسلسل آٹھ شکستوں کا ریکارڈ بھی اپنے نام کیا تھا ۔ مسلسل آٹھ میچز میں ناکامی کے بعد بابر اعظم کی قیادت میں کھیلنے والی کراچی کنگز نے اپنے نویں میچ میں لاہور قلندرز کو شکست دی تھی مگر پھر آخری میچ میں اس کو کوئٹہ گلیڈی ایٹرز کے ہاتھوں شکست کا سامنا کرنا پڑا۔

پی ایس ایل 7 میں کراچی کنگز کے مجموعی طور پر صرف دو پوائنٹس ہیں اور وہ پلے آف کی دوڑ سے پہلے ہی باہر ہوچکی ہے۔

کراچی کنگز کی ٹیم پاکستان سپر لیگ کی تاریخ میں مجموعی طور پر چالیس میچز ہارنے والی واحد ٹیم ہے۔

آخری میچ میں بھی کراچی کنگز کو شکست،کوئٹہ گلیڈی ایٹرز 23 رنزسے فتحیاب

کوئٹہ گلیڈی ایٹرز کی ٹیم نے مقررہ 20 اوورز میں 4 وکٹوں کے نقصان پر 166 رنز بنائے جس میں اوپنر جیسن رائے نے 64 گیندوں پر 82 رنز اسکور کیے

کراچی کنگز کی بری کارکردگی، کرس گیل نے کیا ٹوئٹ کیا؟

کراچی کنگز کی ٹیم نے مسلسل 8 میچز میں شکست کے بعد نویں میچ میں کامیابی حاصل کی ہے