پاکستان سپر لیگ (پی ایس ایل) کے نمائشی ویمنز کرکٹ کے پہلے میچ میں ٹیم ایمازونز نے  سپر ویمن کو جیت کیلئے 133 رنز کا ہدف دے دیا۔

پی ایس ایل نمائشی ویمنز کرکٹ کا پہلا میچ پنڈی اسٹیڈیم میں کھیلا جارہا ہےایمازونز ٹیم کی قیادت بسمعہ معروف اور سپر ویمن ٹیم کی کپتانی ندا ڈار کررہی ہیں۔

 کپتان بسمہ معروف نے   ٹاس جیت کر  پہلے بیٹنگ کا فیصلہ کیا تھا، ایمازونز نے مقررہ اوورز میں 9 وکٹوں کے نقصان پر 132 رنز بنائے  کپتان بسمعہ معروف 1 ، عالیہ ریاض 35 جبکہ ٹیمی نے  24 رنز بنائے۔

سپر ویمن کی جانب سے کپتان ندا ڈار نے 3 طوبیٰ حسن نے 2 ، لیہ ، سیدہ معصومہ  اور ام ہانی نے ایک ایک وکٹ لیں ۔

پی ایس ایل میں نمائشی ویمنز کرکٹ میچ کیلئے دو ٹیموں کا اعلان

نمائشی میچز کیلئے پاکستان کرکٹ بورڈ نے 18۔ 18کھلاڑیوں پر مشتمل دو ٹیمیں بھی تشکیل دے دی ہیں

نمائشی میچز کیلئے پاکستان کرکٹ بورڈ  کی جانب سے  18۔ 18کھلاڑیوں پر مشتمل 2 ٹیمیں تشکیل دی  گئی ہیں،  نمائشی ویمنز کرکٹ میچز میں 10 غیر ملکی کھلاڑیوں کی خدمات حاصل کی گئی ہیں جن میں آسٹریلیا، انگلینڈ اور نیوزی لینڈ سمیت 7 ممالک کی ٹاپ کھلاڑی شامل ہیں۔

خواتین کرکٹ ٹیموں کے درمیان 3 نمائشی میچز کھیلے جائیں گے،   دوسرا میچ  10 اور تیسرا میچ   11 مارچ کو راولپنڈی میں کھیلا جائےگا ۔