پشاور زلمی اور کوئٹہ گلیڈی ایٹرز کے میچ میں سب سے زیادہ باؤنڈریز کا ریکارڈ بھی بن گیا۔

ایچ بی ایل پی ایس ایل (پاکستان سپر لیگ) کے 25 ویں میچ میں کوئٹہ گلیڈی ایٹرز نے پشاور زلمی کی جانب سے جیت کے لیے دیا گیا 241 رنز کا ہدف عبور کر کے نئی تاریخ رقم کر دی۔

پی ایس ایل: گلیڈی ایٹرز نے زلمی کا 241 رنز کا ہدف پورا کرکے نئی تاریخ رقم کر دی

جیسن رائے 145 رنز بنا کر ناقابل شکست رہے، حفیظ نے بھی 41 رنز کی اننگز کھیلی

پنڈی اسٹیڈیم میں ہونیوالے اس میچ میں مجموعی طور پر 75 باؤنڈریز  لگائی گئیں۔ میچ میں دونوں ٹیموں نے مجموعی طو پر 54 چوکے اور 21 چھکے لگائے۔

اس سے قبل کیریبیئن پریمیئر لیگ (سی پی ایل) میں جمیکا اور ٹرنبیگو نائیڈ رائیڈر کے میچ میں 73 باؤنڈریز  لگی تھیں۔

اس کے علاوہ نیوزی لینڈ کے سینٹرل ڈسٹرکٹ اور اوٹیگو کے میچ میں 72 باؤنڈریز لگی تھیں۔