کراچی میں انتظار احمد کے قتل کی سی سی ٹی وی فوٹیج منظر عام پر آگئی

کراچی کے علاقے ڈیفنس میں اینٹی کار لفٹنگ سیل کے اہلکاروں کے ہاتھوں نوجوان انتظاراحمد کے قتل کی سی سی ٹی وی فوٹیج منظر عام پر آگئی جس کے مطابق ملزمان نے گھات لگا کر انتظار کو گھیر کر قتل کیا، فائرنگ سیاہ رنگ کی کار میں موجود شخص کے اشارہ کے بعد کی گئی۔

فوٹیج میں دیکھا جاسکتا ہے کہ سیاہ رنگ کی ایک کار نے انتظار کی گاڑی کا راستہ روکا، جس کے ساتھ ہی موٹرسائیکل سوار دو افراد اس طرح نمودار ہوئے جیسے وہ انتظار کی کار کا تعاقب کر رہے ہوں۔

مقتول انتظار کے والد نے ایس ایس پی مقدس حیدر کو بیٹے کا قاتل قرار دے دیا

بیٹے کے ساتھ کار میں موجود لڑکی مدیحہ کیانی اور سلمان بھی قتل میں ملوث ہیں، اشتیاق احمد کا دعویٰ

موٹرسائیکل سوار ایک ملزم نے اتر کر کار کا جائزہ لیا، اسی دوران مزید ایک سیاہ رنگ کی کار انتظار کی گاڑی کے برابر آکر رکی جس کے بعد موٹرسائیکل سوار ایک سائڈ پر ہوگئے،چند سیکنڈوں بعد انتظار کی کار دائیں جانب بڑھنے لگی جبکہ سائیڈ پر موجود موٹرسائیکل سواروں نے فائرنگ شروع کر دی۔

ایک ملزم کو پیدل کار کے پیچھے فائرنگ کرتے ہوئے بھی دیکھا جاسکتا ہے، ملزمان کی جانب سے 18 گولیاں چلائی گئیں جن میں سے ایک گولی انتظار کے لیے جان لیوا ثابت ہوئی۔

انتظار کی کار روکنے والے کون تھے، بعد میں آنے والی کار میں کون سوار تھے، انتظار کی کار میں بھی ایک لڑکی سوار تھی جسے کلین چٹ دے دی گئی۔

سی سی ٹی وی فوٹیج نے انتظار قتل کیس میں مزید سوالات پیدا کر دیے ہیں اور ایسا محسوس ہوتا ہے کہ قتل کا ماسٹر مائنڈ کوئی اور ہے اور پولیس اہلکاروں کو صرف استعمال کیا گیا ہے۔

انتظار کا قتل

14 جنوری کو ڈیفنس کے علاقے خیابان اتحاد میں پولیس اہلکاروں کی فائرنگ سے 19 سالہ نوجوان انتظار احمد ہلاک ہوگیا تھا، نوجوان کے والدین نے چیف جسٹس آف پاکستان اور آرمی چیف سے انصاف کی اپیل کی تھی۔

کراچی: پولیس کی فائرنگ سے ہلاک نوجوان کے والدین کی چیف جسٹس اور آرمی چیف سے انصاف کی اپیل

مقتول انتظار ملائیشیا سے چھٹیوں پر پاکستان آیا تھا اور دو روز قبل اس کا 2 لڑکوں سے جھگڑا ہوا تھا، وزیراعلیٰ سندھ نے نوٹس لے لیا

مقتول انتظار کے والدین کی پریس کانفرنس پر وزیر اعلیٰ سندھ سید مراد علی شاہ نے واقعے کا نوٹس لیا تھا اور واقعے کا مقدمہ بھی درج کرلیا گیا تھا۔

پولیس نے ابتدائی طور پر بیان دیا تھا کہ اینٹی کار لفٹنگ سیل (اے سی ایل سی) کے اہلکاروں نے گاڑی مشکوک سمجھ کر اسے رکنے کا اشارہ کیا اور نہ رکنے پر فائرنگ کی گئ جس سے نوجوان ہلاک ہوگیا۔

پولیس کی تحقیقات کے مطابق جائے وقوعہ سے گولیوں کے 16 خول ملے تھے جب کہ مقتول کی گاڑی میں ایک لڑکی موجود تھی جو بعد میں رکشے میں چلی گئی، اس لڑکی کی شناخت بعد میں مدیحہ کیانی کے نام سے ہوئی۔

ڈیفنس فائرنگ: انتظار کے ساتھ گاڑی میں موجود لڑکی کا بیان سامنے آگیا

تفتیشی حکام کا کہنا ہے کہ انہوں نے گاڑی میں موجود لڑکی سے رابطہ کرکے اسے بھی شامل تفتیش کرلیا ہے

مدیحہ کیانی نے اپنے بیان میں بتایا تھا کہ اس کی ایک ہفتہ پہلے ہی انتظار سے دوستی ہوئی تھی اور اس نے فائرنگ کرنے والوں کو نہیں دیکھا۔

دوسری جانب مقتول کے والد کی جانب سے دشمنی کا خدشہ بھی ظاہر کیا جارہا ہے جن کا کہنا ہے کہ ان کے بیٹے کا واقعے سے 2 روز قبل دو لڑکوں فہد اور حیدر سے جھگڑا ہوا تھا، ایک لڑکا پولیس افسر اور دوسرا وکیل کا بیٹا ہے۔