16 فروری ، 2018 
دنیا کے مختلف ممالک میں سورج گرہن کا نظارہ کیا گیا
16 فروری ، 2018
آسٹریلیا، انٹارکٹیکا، کینیڈا، شمال مشرقی ایشیا، شمالی یورپ، گرین لینڈ اور روس کے شمالی علاقوں میں رواں برس کے پہلے سورج گرہن کا نظارہ کیا گیا۔
سال کے پہلے سورج گرہن کا نظارہ رات ہونے کے باعث پاکستان اور بھارت میں نہیں دیکھا جاسکا۔
سورج گرہن کا آغاز رات 11 بج کر 52 منٹ پر ہوا جو رات 3 بج کر 42 منٹ پر ختم ہوا۔
برطانوی ویب سائٹ ایکسپریس کے مطابق رواں برس 2018 میں ایک دفعہ بھی مکمل سورج گرہن نہیں ہوگا جب کہ 2 جولائی 2019 کو مکمل سورج گرہن کا مشاہدہ کیا جا سکے گا۔
خیال رہے کہ سورج گرہن اس وقت لگتا ہے جب چاند، سورج اور زمین کے درمیان آجاتا ہے، جس کی وجہ سے سورج کا مکمل یا کچھ حصہ دکھائی دینا بند ہو جاتا ہے اور اس صورت میں چاند کا سایہ زمین پر پڑتا ہے۔
اس سے قبل گذشتہ ماہ کے آخر میں پاکستان سمیت دنیا کے مختلف ممالک میں 150 سال بعد ’سپر بلیو بلڈ مون‘ یعنی سرخی مائل نارنجی چاند کا نظارہ کیا گیا تھا۔
مزید خبریں :
یوٹیوب میں ایک دلچسپ فیچر صارفین کے لیے متعارف
11 دسمبر ، 2024
امریکا میں پابندی سے بچنے کیلئے ٹک ٹاک کی نئی کوشش
10 دسمبر ، 2024
2025 میں گوگل سرچ انجن نمایاں حد تک تبدیل ہو جائے گا، سندر پچائی
09 دسمبر ، 2024
