بھارتی گلوکار میکا سنگھ پاکستان دشمنی میں دو ہاتھ آگے نکل گئے

بھارتی گلوکار میکا سنگھ نے ایک پریس کانفرنس کے دوران ساتھی گلوکاروں کو پاکستانی گلوکاروں کا نام لینے سے روک دیا۔

پاکستان کے خلاف دشمنی میں صرف بھارتی سیاستدان اور فوج ہی ملوث نہیں بلکہ بعض بھارتی فنکار بھی پاکستان دشمنی میں پیش پیش ہیں جس کا عملی مظاہرہ بھارتی گلوکار میکا سنگھ نے ایک پریس کانفرنس کے دوران کیا۔

سلمان خان نے ایک اور فلم سے اریجیت سنگھ کا گانا نکلوا دیا

سلمان خان نے فلم ’سلطان‘ سے بھی اریجیت سنگھ کا گایا ہوا گیت نکال کر پاکستانی گلوکار راحت فتح علی خان کی آواز میں وہی گیت شامل کیا تھا

بھارتی گلوکار میکا سنگھ خاتون ساتھی گلوکاروں کے ساتھ پریس کانفرنس کر رہے تھے کہ خاتون گلوکار نے پاکستانی گلوکار راحت فتح علی خان کے ساتھ کام کرنے پر خوشی کا اظہار کیا جس پر میکا سنگھ آگ بگولہ ہوگئے۔

میکا سنگھ نے فوراً ہی ساتھی گلوکارہ کو سب کے سامنے کہا کہ وہ پاکستانی گلوکاروں کا نام نہ لیں۔ ان کے منع کرنے پر خاتون گلوکارہ بھی شرمندہ سی نظر آئیں۔

فوجیوں کے مرنے کو بنیاد بنا کر پاکستانی فنکاروں پر پابندی درست نہیں: بھارتی موسیقار

فن اور موسیقی کی کوئی سرحد نہیں ہوتی، پاکستانی گلوکاروں پر پابندی مسائل کا حل نہیں، ویپن پاٹوا

بھارتی گلوکار کی پاکستان فنکاروں کے نام سے آگ بگولہ ہونا پیشہ وارانہ حسد کا ہی نتیجہ ہے کیوں کہ راحت فتح علی خان اور عاطف اسلم بالی وڈ سپر اسٹار سلمان خان کی پہلی پسند ہیں جس کے باعث اب میکا سنگھ کا کیرئیر داؤ پر لگ گیا ہے۔

یاد رہے کہ سلمان خان اپنی فلموں میں بھارتی گلوکار ارجیت سنگھ کی آواز نکلوا کر عاطف اسلم اور راحت فتح علی خان کی آوازیں شامل کر چکے ہیں جس پر بھارت میں ہنگامہ بھی کھڑا ہوا تھا۔