حکومت جاتے جاتے کوئی پیٹرول بم نہیں گرائے گی

حکومت جاتے جاتے کوئی پیٹرول بم نہیں گرائے گی، پٹرولیم مصنوعات کی قیمتوں میں اضافے کا فیصلہ نگراں حکومت کرے گی۔

حکمراں جماعت پاکستان مسلم لیگ ن کے رہنما زعیم قادری کہتے ہیں کہ حکومت اوگرا کی جانب سے بھیجی گئی سمری کی منظوری نہیں دے گی۔

اس حوالے سے وزیر خزانہ مفتاح اسماعیل نے کہا ہے کہ حکومت نے پیٹرولیم مصنوعات کی قیمتیں 7 جون تک برقرار رکھنے کا فیصلہ کیا ہے۔

مفتاح اسماعیل نے کہا کہ ہماری حکومت آج ختم ہو رہی ہے، پیٹرولیم مصنوعات کی نئی قیمتوں کا فیصلہ آئندہ حکومت کرے گی۔

اوگرا کی پیٹرول کی قیمت میں 8روپے37پیسے اضافے کی تجویز

اوگرا نے پیٹرولیم مصنوعات کی قیمتیں بڑھانے کی سمری پاور ڈویژن کو بھجوادی

خیال رہے کہ اوگرا نے یکم جون سے پٹرول کی قیمت 8 روپے 37 پیسے، ڈیزل ساڑھے 12 روپے اور مٹی کا تیل 8 روپے 30 پیسے فی لیٹر مہنگا کرنے کی سفارش کر رکھی ہے۔

خیال رہے کہ یکم مئی کو بھی وفاقی حکومت نے پیٹرول کی قیمت میں ایک روپے 70 پیسے کا اضافہ کیا تھا۔