ڈیمز کی تعمیر کیلئے قوم کا جذبہ 1965 کی جنگ جیسا ہے: چیف جسٹس

برمنگھم: چیف جسٹس آف پاکستان جسٹس ثاقب نثار کا کہنا ہے کہ ڈیمز کی تعمیر کے لیے بچوں سے لے کر بڑوں تک کا جذبہ ایسا ہے جو 1965 کی جنگ میں نظر آیا تھا۔

برمنگھم میں جیو نیوز سے خصوصی گفتگو کرتے ہوئے چیف جسٹس میاں ثاقب نثار کا کہنا تھا کہ جیو نیوز پر مانچسٹر سے نشر ہونے والی ڈیم فنڈ لائیو ٹیلی تھون بہت کامیاب رہی ہے۔

دریائے سندھ پر بیسیوں ڈیم بنیں گے، کوئی یہ نہ سوچے کہ وہ رکاوٹ بنے گا، چیف جسٹس

ڈیم کیوں نہیں بنے، غفلت کس کی تھی آج پتا چل گیا، اب دریائے سندھ پر بھی بیسیوں ڈیم بنیں گے، کوئی یہ نہ سوچے کہ ڈیم کی تعمیر میں رکاوٹ بنے گا، جسٹس ثاقب نثار کا لندن میں فنڈ ریزنگ تقریب سے خطاب

چیف جسٹس کا کہنا تھا کہ ڈیمز کی تعمیر کے لیے بچوں سے لے کر بوڑھوں تک سب پاکستانی پُرجوش ہیں، یہ کوئی عام صورت حال نہیں بلکہ باقاعدہ مہم بن گئی ہے ایسا جذبہ شاید 65 کی جنگ میں نظر آیا تھا۔

چیف جسٹس نے پاکستان کی آبادی کے حوالے سے گفتگو کرتے ہوئے بتایا کہ آبادی پر قابو پانے اور منصوبہ بندی سے متعلق سپریم کورٹ میں 12 یا 13 دسمبر کو کانفرنس ہوگی۔

کچھ بڑوں نے خلاف توقع ڈیم فنڈ میں خاطر خواہ حصہ نہیں ڈالا: چیف جسٹس

یہ سارا پیسہ پاکستانی قوم اور ٹیکس دہندگان کی امانت ہے اس رقم کو ڈیم فنڈ میں دینا پڑے گا، نہ دیا تو کارروائی کے ذریعے حساب لینا پڑے گا، جسٹس ثاقب نثار کا جیو نیوز کے تحت مانچسٹر میں لائیو ٹیلی تھون سے خطاب

انہوں نے کہا کہ آبادی پر قابو پانے اور منصوبہ بندی کے لیے ایک ٹاسک فورس تشکیل دی گئی ہے جس میں ملک کے بڑے ماہرین سمیت ہیلتھ سیکریٹری ریٹائرڈ کیپٹن سعید حصہ لیں گے، ان کی نگرانی میں رپورٹ بھی بنائی گئی ہے۔

انہوں نے بتایا کہ کانفرنس میں وزیراعظم بھی شامل ہوں گے تاہم آبادی پر قابو پانے کے لیے بھرپور طریقے سے جدو جہد کریں گے ۔