میئر کراچی وسیم اختر کا شادی ہال اور رہائشی عمارتیں نہ توڑنے کا اعلان

کراچی: میئر کراچی وسیم اختر نے سپریم کورٹ کی جانب سے عمارتیں گرانے سے متعلق فیصلے پر عمارتیں اور شادی ہال توڑنے سے انکار کردیا۔

کراچی کو 40 سال پرانی حالت میں بحال کرنے کا حکم، جتنی عمارتیں ہوں سب گرائیں: سپریم کورٹ

سپریم کورٹ نے رہائشی پلاٹوں پر شادی ہالز، شاپنگ سینٹرز اور پلازوں کی تعمیر پر بھی مکمل پابندی عائد کردی

کراچی میں پریس کانفرنس کرتے ہوئے وسیم اختر نے کہا کہ سپریم کورٹ کے احکامات پر 500 عمارتیں گرانے پر عمل درآمد روکا جائے اور سندھ حکومت عمارتیں گرانے پر نظر ثانی کی اپیل دائر کرے۔

میئر کراچی کاکہنا تھا کہ جن عمارتوں کو گرانے کا کہاگیا وہ انکروچمنٹ نہیں بلکہ زمین کے استعمال کی تبدیلی کا معاملہ ہے، جن شادی ہالز میں شادی کی بکنگ ہے وہ بھی گرانے کو کہا گیا ہے۔

وسیم اختر نے اعلان کیا کہ بلڈنگ توڑیں گے اور نہ ہی شادی ہال توڑیں گے البتہ غیر قانونی شادی ہالز گرائے جائیں گے جب کہ رہائشی علاقوں میں قائم شادی ہالز کو نہ توڑا جائے۔

میئر کراچی نے کہا کہ چیف جسٹس پاکستان سے عمارتیں گرانے کے احکامات پر نظر ثانی کی اپیل کرتے ہیں، یہ ایک انسانی مسئلہ بن چکاہے، جب 525 کچی آبادیاں ریگولائز ہوسکتی ہیں تو ان مسائل پر بھی توجہ دی جانی چاہیے۔

اس موقع پر ایم کیوایم پاکستان کے سربراہ خالد مقبول صدیقی نے کہا کہ کراچی کو 40 سال جس طرح لوٹا گیا ہے اس پر عدالتی کمیشن بنایا جائے۔

سعید غنی کا سپریم کورٹ کے حکم پر عمل درآمد نہ کرنے کا اعلان

اپنی وزارت چھوڑ دوں گا لیکن کراچی میں عمارتیں توڑنے کا کام نہیں کروں گا: وزیر بلدیات سندھ سعید غنی

واضح رہےکہ 22 جنوری کو سپریم کورٹ نے شہر کو 40 سال پہلے والی پوزیشن میں بحال کرنے کا حکم دیتے ہوئے پارکوں، کھیلوں کے میدانوں اور اسپتالوں کی اراضی واگزار کرانے کا حکم دیا تھا۔

عدالت عظمیٰ نے رہائشی عمارتوں اور گھروں کو کمرشل مقاصد میں تبدیلی کرنے، رہائشی پلاٹوں پر شادی ہالز، شاپنگ سینٹرز اور پلازوں کی تعمیر پر بھی مکمل پابندی عائد کردی۔

سندھ کے وزیر بلدیات سعید غنی نے عدالتی احکامات پر عملدرآمد نہ کرنے کا اعلان کرتے ہوئے کہا ہےکہ وہ عہدے سے مستعفی ہوجائیں گے لیکن رہائشی عمارتیں نہیں توڑیں گے۔

سپریم کورٹ کے احکامات پر شادی ہالز مالکان نے سندھ بلڈنگ کنٹرول اتھارٹی سے مذاکرات کیے تاہم مذاکرات ناکام ہونے پر ہال مالکان نے کل سے ہال بند رکھنے کا اعلان کیا ہے۔

تجاوزات آپریشن: شادی ہال مالکان کا اتوار سے کراچی کے ہال بند کرنے کا اعلان

سپریم کورٹ کے حکم پر سندھ بلڈنگ کنٹرول اتھارٹی کی جانب سے نوٹسز دیئے جانے پر شادی ہال مالکان کا سوک سینٹر میں واقع ایس بی سی اے کے مرکزی دفتر کے باہر احتجاج، مذاکرات بھی ناکام

اگر بنی گالا ریگولائز ہوسکتا ہے تو کراچی کی عمارتیں بھی ہوسکتی ہیں: فاروق ستار

سعید غنی نے کہا کہ عمارتیں گرانے کی بجائے وہ مستعفی ہوجائیں گے، ہم منتظر ہیں کہ یہی بات خالد مقبول اور وسیم اختر بھی کریں گے: سینئر سیاستدان