ملک میں بے نامی اکاؤنٹس ایکٹ 2019 نافذ کردیا گیا

ملک میں بے نامی اکاؤنٹس ایکٹ 2019 نافذ کردیا گیا جس کا اطلاق فوری طور پر ہوگا۔

فیڈرل بورڈ آف ریوینیو (ایف بی آر) کی جانب سے جاری نوٹیفکیشن کے مطابق بے نامی اکاؤنٹس رکھنے والوں کو ٹیکس نوٹس جاری کیے جاسکیں گے، جواب نہ ملنے پر رقم فوری ضبط ہوجائے گی، اس وقت بے نامی اکاؤنٹس میں 50 ارب روپے کی موجودگی کی معلومات ایف بی آر کے پاس ہیں۔

بے نامی اکاؤنٹس کو پارٹی سے جوڑنے پر پیپلزپارٹی رہنما ناراض

بے نامی اکاؤنٹ کو پی پی پی سے جوڑنا درست بات نہیں ہے، بے نامی اکاونٹ کو نام جہانگیر ترین نے دیا ہے، مرتضیٰ وہاب

ایکٹ کے نفاذ کے بعد ایف بی آر کو بے نامی اکاؤنٹس میں موجود رقم ضبط کرنے کا اختیار مل گیا ہے، ایف بی آر ذرائع کے مطابق بے نامی اکاؤنٹس پر ایک ہفتے کے دوران نوٹسز بھجوا دیے جائیں گے۔

ایف بی آر نوٹیفکیشن کے مطابق بے نامی ایکٹ کے تحت کارروائی کے لیے ٹریبونل قائم کردیے گئے ہیں، 20 لاکھ سے 50 لاکھ روپے کے درمیان بے نامی اکاؤنٹس کی نشاندہی پر4 فیصد کے علاوہ ایک لاکھ روپے ملیں گے۔

فالودے والے کے اکاؤنٹ میں دو ارب روپے کہاں سے آئے؟ سراغ لگالیا گیا

رقم بزنس گروپ نے 15-2014 میں منتقل کی، ایف آئی اے نے بزنس گروپ کو طلب کرلیا، عبدالقادر رقم سے لاعلم، کہتا ہے انگوٹھا چھاپ آدمی ہوں، اردو میں دستخط نہیں کرسکتا، انگریزی میں کیسے کروں گا

ذرائع کے مطابق 50 لاکھ روپے سے زیادہ کی بے نامی اکاؤنٹس کی نشاندہی پرمالیت کا 3 فیصد اور 2 لاکھ 20 ہزار روپے ملیں گے۔

بے نامی اکاؤنٹس پر ایک ہفتے کے دوران نوٹسز بھجوا دیے جائیں گے، ایف بی آرایکٹ کا اطلاق بے نامی بینک اکاؤنٹس، بےنامی منقولہ اورغیرمنقولہ جائیداد پرہوگا۔

ذرائع کے مطابق وزیراعظم عمران خان نے دو ہفتے پہلے ایکٹ کو نافذ کرنے کا حکم دیا تھا۔