میشا کا ہتک عزت کی درخواست سننے والے جج پر جانبداری کا الزام

لاہور:گلوکارہ میشا شفیع  نے علی ظفر کی جانب سے دائر ہتک عزت کے دعوے کی درخواست پر سماعت کرنے والے جج پر عدم اعتماد کا اظہار کردیا۔

جیونیوز کے مطابق میشا شفیع کی جانب سے لاہور کے سیشن جج کو درخواست دی گئی ہے جس میں مؤقف اختیار کیا گیا ہےکہ ہتک عزت کے دعوے پر سماعت کرنے والے معزز جج جانبداری کا مظاہرہ کررہے ہیں، موجودہ جج میرے وکلاء پر بلاوجہ برہم بھی ہوئے۔

میشا شفیع نے گلوکار علی ظفر کو 2 ارب روپے ہرجانے کا نوٹس بھیج دیا

میڈیا پر میشا شفیع کے خلاف جھوٹے، بے بنیاد الزامات لگائے گئے، علی ظفر 15 روز میں معافی مانگیں یا ہرجانہ ادا کریں: قانونی نوٹس کا متن

میشا شفیع کی جانب سے استدعا کی گئی ہےکہ سیشن جج لاہور دعوے کو دوسرے جج کے پاس ٹرانسفر کرنے کا حکم دیں۔

علی ظفر کی وکیل بیرسٹر عنبرین قریشی کا کہنا ہے کہ آج ان کے خواتین سمیت 8 گواہان کو آٹھویں مرتبہ عدالت سے واپس لوٹنا پڑا کیونکہ دوسری پارٹی نے اب معزز جج کو تبدیل کرنے کی درخواست دائر کر دی ہے۔

علی ظفر نے خود بھی اس حوالے سے سوشل میڈیا پر تبصرہ کرتے ہوئے لکھا کہ 'میشا شفیع  برائے مہربانی عدالت کا سامنا کریں اور ہرجانہ ادا کریں۔ بھاگنے اور گیم آف تھرونز کے سپائلرز سے بچنے کے لیے ٹوئٹر اکاؤنٹ بند کرنے سے کوئی فائدہ نہیں ہو گا۔'

واضح رہے کہ میشا شفیع کی جانب سے جنسی ہراساں کیے جانے کے الزام کے بعد علی ظفر نے گلوکارہ پر ہتک عزت کا دعویٰ دائر کیا ہے جس کی سماعت ایڈیشنل سیشن جج  شکیل احمد گزشتہ 6 ماہ سے کررہے ہیں۔

’ہراسانی کے پہلے واقعے کے بعد علی کو معاف کر دیا تھا، دوسرا واقعہ دسمبر میں ہوا‘

ہراسانی کا معاملہ نہیں اٹھانا چاہتی تھی مگر میں طے کر چکی تھی کہ علی ظفر کے ساتھ دوبارہ کام نہ کرنا پڑے، مجھے ان کے ساتھ مجبوراً کام کرنا پڑ رہا تھا: گلوکارہ میشا شفیع کی آج شاہزیب خانزادہ کے ساتھ میں گفتگو

جنسی ہراسانی کے الزامات: علی ظفر پروگرام میں بات کرتے ہوئے روپڑے

سنا ہے کہ میشا شفیع کینیڈا کی امیگریشن لینا چاہتی ہیں لیکن مجھے نہیں پتا کہ میشا شفیع نے یہ سب کچھ کیوں کیا: گلوکار کی جیو کے پروگرام میں گفتگو