05 جولائی ، 2019 
شاہین آفریدی ورلڈکپ میں 5 وکٹیں لینے والے کم عمر ترین بولر بن گئے
05 جولائی ، 2019
لارڈز: قومی ٹیم کے نوجوان فاسٹ بولر شاہین شاہ آفریدی ورلڈ کپ میں 5 یا اس سے زائد وکٹیں لینے والے کم عمر ترین کھلاڑی بن گئے۔
بائیں ہاتھ کے فاسٹ بولر نے بنگلادیش کے خلاف تباہ کن بولنگ کا مظاہرہ کرتے ہوئے 35 رنز کے عوض 6 کھلاڑیوں کو آؤٹ کیا۔
انیس سالہ نوجوان بولر نے کینیا کے کولنس ابویا کا ریکارڈ توڑا جو انہوں نے 2003 کے ورلڈکپ میں 21 سال کی عمر میں سری لنکا کے خلاف 5 وکٹیں حاصل کر کے بنایا تھا۔
شاہین آفریدی نے حالیہ ورلڈکپ کے 5 میچز میں 16 وکٹیں حاصل کیں جو کسی بھی نوجوان فاسٹ بولر کی ورلڈ کپ میں سب سے زیادہ وکٹیں ہیں۔
شاہین آفریدی سے قبل پاکستان کی طرف سے عبدالرزاق ورلڈ کپ میں سب سے زیادہ وکٹیں حاصل کرنے والے کم عمر ترین بولر تھے، عبدالرزاق نے 1999 کے ورلڈکپ میں 13 وکٹیں حاصل کیں تھیں۔
اس کے علاوہ شاہین آفریدی پاکستان کی جانب سے ورلڈکپ کے ایک میچ میں بہترین بولنگ کرنے والے بولر بھی بن گئے، انہوں نے میچ میں 35 رنز دے کر 6 کھلاڑیوں کو آؤٹ کیا۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
14 نومبر ، 2024
