سرفراز احمد کی ٹیسٹ میں کپتانی کے ساتھ جگہ کو بھی خطرہ؟

آسٹریلیا کیخلاف ٹیسٹ سیریز کیلئے اظہر علی کو کپتان اور وکٹ کیپر بیٹسمین محمد رضوان کو نائب کپتان بنانے کی تجویز زیر غور ہے۔

ہیڈ کوچ و چیف سلیکٹر مصباح الحق نے لاہور سے فیصل آباد پہنچ کر ساتھی سلیکٹرز سے ملاقات کی ہے۔ مصباح الحق سری لنکا کے ہاتھوں تین مسلسل ٹی ٹوئنٹی میچز ہارنے کے بعد مایوس اور پریشان دکھائی دے رہے ہیں اور ایسا لگ رہا ہے کہ اب پاکستان ٹیم میں اہم تبدیلیاں ناگزیر ہیں۔

سابق کوچ مکی آرتھر کے جانے کے بعد نئی انتظامیہ کچھ نئے چہروں کو ٹیم میں لانا چاہتی ہے اور کچھ آزمودہ کھلاڑیوں کو واپس لانے کا بھی خطرہ مول لیا جائے گا۔

مصباح الحق آنے والے دنوں میں دورہ آسٹریلیا کیلئے ٹیسٹ اور ون ڈے ٹیم کا انتخاب کرتے ہوئے بحیثیت چیف سلیکٹر چند سخت فیصلے کر سکتے ہیں۔

کیا واقعی اظہر علی نے سرفراز احمد کو سائیڈ لائن کردیا؟

شاہی جوڑے کی این سی اے آمد کے موقع پر سرفراز احمد تو موجود نہیں تھے البتہ اظہر علی کو ضرور مدعو کیا گیا تھا

ذرائع کا کہنا ہے کہ آسٹریلیا کی ٹیسٹ سیریز کیلئے اظہرعلی کو کپتان اور محمد رضوان کو نائب کپتان بنانے کی تجویز زیر غور ہے۔

مصباح الحق لاہور سے فیصل آباد پہنچ کر ساتھی سلیکٹرز سے مل رہے ہیں لیکن کپتان سرفراز احمد سے ان کی کوئی ملاقات بدھ تک طے نہیں تھی جبکہ پاکستان کرکٹ بورڈ (پی سی بی) نے شاہی جوڑے کے قومی کرکٹ اکیڈمی کے دورے کے موقع پر بھی کپتان سرفراز احمد کو نظر انداز کرکے اظہر علی کو مدعو کیا تھا۔

احمد شہزاد اور عمر اکمل کو ’بہت اوپر‘ کی سفارش پر ٹیم میں شامل کیاگیا

مصباح الحق نہیں چاہتے تھے کہ یہ دونوں کھیلیں ، ان کی ٹیم مختلف تھی،انہوں نے 32 لاکھ کی نوکری بچانے کیلئے دباؤ قبول کیا، مشاہد اللہ کا دعویٰ

سرفراز احمد فیصل آباد کے فائیو اسٹار ہوٹل میں مقیم ہیں لیکن میٹنگز میں سرفراز احمد کو طلب نہیں کیا گیا۔

ذرائع کا کہنا ہے کہ ٹیسٹ ٹیم میں سلمان بٹ، سمیع اسلم، شان مسعود، عابد علی، محمد رضوان، امام الحق، عدنان اکمل، محمد موسیٰ اور راحت علی کے ناموں پر غور ہورہا ہے۔

ٹی ٹوئنٹی ٹیم میں عثمان قادر، محمد عرفان اور ظفر گوہر کے ناموں پر بات چیت ہوگی۔

حددرجہ مصدقہ ذرائع کا کہنا ہے کہ مصباح الحق نے ٹی ٹوئنٹی سیریز ہارنے کے اگلے دن پی سی بی کے چیف ایگزیکٹو وسیم خان سے ان کے دفتر میں ملاقات کرکے شکست کا پوسٹ مارٹم کیا تھا۔

’شکست کی وجوہات سوچ رہا ہوں، صرف 10 دن میں نمبر ون ٹیم کو کیا ہوگیا‘

شکست کی ساری ذمہ داری لیتا ہوں لیکن یہ وہی ٹیم ہے جو 4 برس سے کھیل رہی ہے: قومی ٹیم کے چیف سلیکٹر و ہیڈ کوچ کی پریس کانفرنس

اسی میٹنگ میں انہوں نے کپتان سرفراز احمد کی قائدانہ صلاحیتوں پر بھی تحفظات ظاہر کیے تھے۔

ذرائع کا کہنا ہے کہ مکی آرتھر نے جاتے جاتے بورڈ کو بتایا تھا کہ کھلاڑیوں کا رویہ ٹیم کی کارکردگی میں سب سے بڑی رکاوٹ ہے۔

کراچی میں سری لنکا کی ون ڈے سیریز کے دوران مصباح الحق کو اس وقت سخت حیرت ہوئی جب انہوں نے کھلاڑیوں کو جم سیشن کیلئے کہا، کھلاڑیوں نے کہا کہ وہ پول سیشن پر ہی اکتفا کرنا چاہتے ہیں کیوں کہ طویل کیمپ میں مشکل ترین ایکسر سائز اور گھنٹوں کی پریکٹس سے وہ پہلے ہی تھکاوٹ کا شکار ہیں۔

پی سی بی کے ڈائریکٹر میڈیا سمیع الحسن نے بتایا کہ سری لنکا کے ہاتھوں ٹی ٹوئنٹی سیریز ہارنے کے اگلے دن مصباح پی سی بی ہیڈ کوارٹر پہنچے جہاں انہوں نے وسیم خان سے ملاقات کی لیکن ملاقات میں کسی کھلاڑی کی انفرادی کارکردگی اور انفرادی رویے پر بات چیت نہیں ہوئی۔

منگل کو مصباح الحق نے وسیم خان سے ایک اور میٹنگ کی لیکن اس میں فیصل آباد میں کوچز کے ساتھ میٹنگ پر بات چیت ہوئی۔