25 اکتوبر ، 2019 
’دفتر خارجہ میں ویڈیو بناکر کچھ غلط نہیں کیا‘
25 اکتوبر ، 2019
دفتر خارجہ میں متنازع ویڈیو بنانے والی ٹک ٹاک اسٹار حریم شاہ کی دوست صندل خٹک ان کی حمایت میں بول پڑیں۔
جیو نیوز کے مارننگ شو ’جیو پاکستان‘ میں حریم شاہ کی ٹک ٹاک ساتھی صندل خٹک نے ٹیلی فون پر گفتگو کی جس میں انہوں نے اپنی دوست کی بھرپور حمایت کی۔
صندل خٹک کا کہنا تھا کہ حریم شاہ نے ویڈیو ریکارڈنگ کر کے کچھ غلط نہیں کیا کہ جس پر انکوائری ہو، کوئی بھی دفتر خارجہ جاسکتا ہے اور سیاستدانوں سے ملاقات کرسکتا ہے۔
متنازع ویڈیو میں بالی وڈ گانے کے حوالے سے سوال کیا گیا تو صندل خٹک نے جواب دیا کہ وہ بغیر سوچے سمجھے ایسے ہی انتخاب کرلیا گیا تھا اس کے پیچھے کوئی مقصد نہیں۔
واضح رہے کہ صندل خٹک ٹک ٹاک اسٹار حریم شاہ کی ساتھی ہیں اور دونوں مل کر متعدد ٹک ٹاک ویڈیوز بنا چکی ہیں۔
دو روز قبل حریم شاہ کی دفتر خارجہ میں بنائی گئی ایک ویڈیو بالی وڈ گانے کے بیک گراؤنڈ کے ساتھ وائرل ہوئی تھی جس پر تنازع کھڑا ہوگیا تھا۔
ویڈیو میں دیکھا گیا کہ حریم شاہ وزیر خارجہ کی اجلاس کی صدارت کرنے والی کرسی پر بیٹھی ہیں، انہوں نے کانفرنس روم دکھائے جہاں وزیر خارجہ کی اہم ملاقاتیں ہوتی ہیں۔
بعدازاں حریم شاہ کی سرکاری دفتر میں ٹک ٹاک ویڈیو بنانے پر انکوائری شروع کر دی گئی۔
مزید خبریں :
تصاویر: پی ٹی آئی احتجاج کے بعد کے مناظر
3 گھنٹے پہلے
کراچی میں آئندہ 24 گھنٹوں میں موسم کیسا رہے گا؟
7 گھنٹے پہلے
