30 نومبر ، 2019 
گوادر کے قریب 31 فٹ لمبی نایاب وہیل مردہ حالت میں پائی گئی
30 نومبر ، 2019
گوادر کے ساحلی علاقے دران سے ایک نایاب وہیل مردہ حالت میں برآمد ہوئی ہے۔
نایاب وہیل گوادر کے علاقے جیونی کے قریب دران کے مقام پر پہاڑوں کے دامن میں ساحل کے قریب سے مردہ حالت میں برآمد ہوئی۔
اسسٹنٹ ڈائریکٹر ماحولیات گوادر ڈولپمنٹ اتھارٹی عبدالرحیم بلوچ کے مطابق وہیل کی لمبائی 31 فٹ ہے اور اس کانام برائیڈس وہیل ہے۔
عبدالرحیم بلوچ کا کہنا ہے کہ برائیڈس ایک نایاب وہیل ہے اور اس کی ہلاکت ماہی گیروں کے جال میں پھنسنے سے ہوئی ہے، اس کی تحفظ کے لیے اقدامات کی ضرورت ہے۔
رپورٹ کے مطابق نایاب وہیل کی یہ قسم گوادر سمیت بلوچستان کے گہرے سمندر میں بھی پائی جاتی ہے۔
واضح رہے کہ اس سے قبل رواں سال اپریل کے مہینے میں بھی گوادر کے ساحل سے 34 فٹ لمبی برائیڈس نامی وہیل مردہ حالت میں ملی تھی۔
