07 دسمبر ، 2019 
بھارت میں زیادتی کا شکار ایک اور لڑکی قتل
07 دسمبر ، 2019
بھارتی ریاست اترپردیش میں جلائی جانے والی زیادتی کا شکار لڑکی دم توڑ گئی۔
بھارتی میڈیا کے مطابق اتر پردیش میں مرنے والی لڑکی کو گزشتہ سال اجتماعی زیادتی کا نشانہ بنایا گیا تھا جس کے الزام میں 5 افراد کو گرفتار کیا گیا تھا۔
متاثرہ لڑکی سے زیادتی کے ملزمان گزشتہ ہفتے ضمانت پر رہا ہوئے تھے۔
زیادتی کا شکار لڑکی ملزمان کے خلاف مقدمے کی سماعت کے لیے عدالت جا رہی تھی کہ مرکزی ملزم اور ساتھیوں نے آگ لگا دی تھی۔
زیادتی کا شکار لڑکی 90 فیصد سے زائد جھلس گئی تھی اور اسپتال میں زیر علاج تھی جہاں وہ زخموں کی تاب نہ لاتے ہوئے دم توڑ گئی۔ لڑکی کو آگ لگانے والے پانچوں ملزمان کو پولیس نے گرفتار کر لیا ہے۔
لڑکی کے والد کا کہنا ہے کہ پولیس کو ملزمان کو فائرنگ کر کے ہلاک کر دینا چاہیے۔
خیال رہے کہ 26 نومبر کو بھارتی ریاست تلنگانہ کے شہر حیدر آباد دکن میں بھی 26 سالہ خاتون ڈاکٹر کو 4 افراد نے اجتماعی زیادتی کا نشانہ بنانے کے بعد قتل کر دیا گیا تھا جس کے ملزمان کو پولیس نے گرفتار کر لیا تھا۔
6 دسمبر کو پولیس نے فرار کی کوشش میں چاروں ملزمان کو فائرنگ کر کے قتل کر دیا تھا۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
3 گھنٹے پہلے
غزہ پر اسرائیلی بمباری سے مزید 38 فلسطینی شہید
4 گھنٹے پہلے
مزید 2 ممالک آئندہ سال شینگن ممالک کا حصہ بننے کو تیار
22 نومبر ، 2024
حزب اللہ کے راکٹ حملے میں اسرائیلی شہری ہلاک
22 نومبر ، 2024
