پیپلز پارٹی نے فیصل واوڈا سے استعفے کا مطالبہ کردیا

لاہور:   پیپلز پارٹی نے وفاقی وزیر فیصل واوڈا کے استعفے کا مطالبہ کر دیا۔

پی پی پنجاب کے سیکریٹری اطلاعات حسن مرتضیٰ نے پریس کانفرنس میں کہا کہ فیصل واوڈا نے فوج جیسے قومی ادارے کو متنازع بنانے کی کوشش کی،  وزیراعظم کو اس کا نوٹس لینا چاہیے، پیپلزپارٹی نے قومی مفاد میں آرمی ایکٹ کے حق میں ووٹ دیا۔

انہوں نے کہا کہ  حکومت کی طرف سے 60 دنوں میں ڈیڑھ لاکھ نوکریاں دینے کا اعلان دراصل سیاسی رشوت ہے، اس طرح کے اعلانات سے رشوت کا بازار گرم ہو گا۔

واضح رہےکہ وفاقی وزیر فیصل واوڈا کو نجی ٹی وی کے ٹاک شو میں فوجی بوٹ لانے پر شدید تنقید کا سامنا ہے کہ جب کہ وزیراعظم عمران خان نے بھی ان کے عمل پر ناپسندیدگی کا اظہار کیا ہے۔

بوٹ کا معاملہ: نواز اور مریم معافی مانگیں میں بھی مانگ لوں گا: فیصل واوڈا

شو میں بوٹ لیجانے کی ذمہ داری میری تھی، بوٹ تھیلے میں لے کر گیا تھا، وزیراعظم کو میری یہ بات پسند نہیں آئی: وفاقی وزیر برائے آبی وسائل

فیصل واوڈا ٹی وی پروگرام میں ’بوٹ‘ ساتھ لے آئے

ن لیگ نے لیٹ کر بوٹ کو عزت دی ہے ، بوٹ کو چوم کر عزت دی ہے، کوئی شرم اور حیا ہے؟ وفاقی وزیر فیصل واوڈا