چین کا مسئلہ کشمیر سلامتی کونسل کی قراردادوں کے مطابق حل کرنیکا مطالبہ

چین نے بھارتی دباؤ مسترد کرتے ہوئے مسئلہ کشمیر کو اقوام متحدہ کے چارٹر اور سلامتی کونسل کی قراردادوں کے مطابق حل کرنے کا مطالبہ کردیا۔

ترجمان چینی وزارت خارجہ گینگ شوانگ نے کہا ہے کہ سلامتی کونسل کے ارکان کو کشمیر کی حالیہ صورت حال پر تشویش ہے۔ بھارت کو سلامتی کونسل ممبران کی درخواست پر عمل کرنا چاہیے۔

وزیراعظم کا سلامتی کونسل میں کشمیر کی صورتحال پردوبارہ غور کا خیر مقدم

پاکستان اہلِ کشمیر کی اخلاقی، سیاسی اور سفارتی حمایت اس وقت تک جاری رکھے گا جب تک انہیں بنیادی حقِ خودارادیت مل نہیں جاتا، وزیراعظم عمران خان

اس سے قبل یہ خبریں سامنے آئی تھیں کہ مسئلہ کشمیر پرسلامتی کونسل میں اجلاس کے بعد بھارت نے چین سے مطالبہ کیا ہے کہ وہ اقوام متحدہ کے سلامتی کونسل اجلاس میں مسئلہ کشمیر اٹھانے سے گریز کرے۔

بھارتی وزارت خارجہ کے ترجمان رویش کمار نے کہا ہے کہ چین کو مسئلہ کشمیر کے بارے میں عالمی اتفاق رائے پر غور کرنا چاہیے اور اسے اقوام متحدہ میں اٹھانے سے گریز کرنا چاہیے۔

مقبوضہ کشمیر کی کشیدہ صورتحال: 6 ماہ میں دوسری بار سلامتی کونسل کا اجلاس

چین کا کشمیر کے معاملے پر موقف بالکل واضح ہےاور کشمیر ہمیشہ سے اقوام متحدہ کی سلامتی کونسل کے ایجنڈے میں شامل ہے،چینی مندوب

بھارتی ترجمان نے ہٹ دھرمی کا مظاہرہ کرتے ہوئے کہا کہ مقبوضہ کشمیر بھارت اور پاکستان کے درمیان دو طرفہ معاملہ ہے۔

خیال رہے کہ گذشتہ دنوں مقبوضہ کشمیر کی کشیدہ صورت حال کے حوالے سے اقوام متحدہ کی سلامتی کونسل کا اجلاس ہوا، یہ اجلاس 6 ماہ میں دوسری بار بلایا گیا تھا۔

اس حوالے سے ترجمان دفتر خارجہ عائشہ فاروقی نے ہفتہ وار بریفنگ میں بتایا کہ سلامتی کونسل کا اجلاس پاکستان کی درخواست پر ہوا تھا جس میں ویٹو کا حق رکھنے والے ممالک نے مقبوضہ کشمیر کی صورت حال پر گہری تشویش کا اظہار کیا۔

ذرائع کے مطابق کشمیر کی صورتحال پر سلامتی کونسل کا اجلاس بلانے میں چین نے کلیدی کردار ادا کیا۔