بنگلادیش کے بیٹنگ کوچ نیل میکنزی اور بولنگ کوچ ریان کُک پاکستان نہیں آئیں گے

ڈھاکا: بنگلادیش کرکٹ ٹیم کے کوچنگ اسٹاف سے 5 افراد دورہ پاکستان سے دستبردار ہوگئے۔

رپورٹس کے مطابق بیٹنگ کوچ نیل میکنزی اور بولنگ کوچ ریان کُک بھی پاکستان نہیں آئیں گے۔

بنگلادیش کیخلاف ٹی ٹوئنٹی سیریز، قومی ٹیم میں سرفراز کی واپسی پر غور

پاکستان اور بنگلا دیش کے درمیان تین ٹی ٹوئنٹی میچز 24، 25 اور 27 جنوری کولاہور میں کھیلے جائیں گے

خیال رہے کہ کافی حیلوں بہانوں کے بعد بنگلادیش کرکٹ بورڈ نے اپنی ٹیم پاکستان بھیجنے پر آمادگی ظاہر کی ہے۔

بنگلا دیش کرکٹ ٹیم 24 سے 27 جنوری تک لاہور میں 3 ٹی ٹونٹی میچز کھیلے گی جس کے بعد مہمان ٹیم وطن واپس لوٹ جائے گی اور پھر واپس آ کر 7 سے 11 فروری تک راولپنڈی میں ایک ٹیسٹ میچ کھیلے گی۔

پاکستان سپر لیگ (پی ایس ایل) 2020 کے اختتام پر دونوں ٹیموں کے درمیان ایک ون ڈے انٹرنیشنل میچ 3 اپریل کو کراچی میں کھیلا جائے گا جس کے بعد دونوں ٹیموں کے درمیان آئی سی سی ورلڈ ٹیسٹ چیمپئن شپ میں شامل دوسرا ٹیسٹ میچ 5 سے 9 اپریل تک کراچی میں ہی ہوگا۔

بنگلا دیش کے دورہ پاکستان کا شیڈول طے ہو گیا

آئی سی سی کے چیئرمین ششانک منوہر نے سیریز کے شیڈول کو حتمی شکل دینے میں معاون کا کردار ادا کیا ہے۔

اب یہ خبریں سامنے آئی ہیں کہ بنگلادیشی کرکٹ ٹیم کے کوچنگ اسٹاف کے پانچ اہم ارکان نے پاکستان آنے سے معذرت کرلی ہے۔

بنگلادیش کرکٹ بورڈ کے چیئرمین کرکٹ آپریشنز اکرم خان نے بتایا کہ سری لنکا سے تعلق رکھنے والے استرینتھ اینڈ کنڈیشننگ کوچ ماریو ولاواریان، بھارت سے تعلق رکھنے والے ٹیم اینالسٹ سری نیواس چندراکیسارن، جنوبی افریقا سے تعلق رکھنے والے بیٹنگ کوچ نیل میکنزی اور فیلڈنگ کوچ ریان کک بھی پاکستان نہیں جائیں گے۔

البتہ بنگلادیشی کرکٹ ٹیم کے ہیڈ کوچ رسل ڈومنگو جن کا تعلق بھی جنوبی افریقا سے ہے، ٹیم کے ساتھ پاکستان آئیں گے اور انہیں صرف ٹیم فزیو جولین کالیفاٹو کا تعاون حاصل ہوگا جبکہ ٹیم اینالسٹ اسکائپ کے ذریعے ٹیم سے رابطے میں رہیں گے۔

بنگلادیشی بورڈ نے پہلے ہی اپنے اسپن بولنگ کنسلٹنٹ ڈینیل ویٹوری کو دورہ پاکستان میں ٹیم کے ساتھ نہ بھیجنے کا فیصلہ کرلیا تھا۔