پاکستان
Time 20 جنوری ، 2020

خیبرپختونخوا میں نان بائیوں نے ہڑتال کر دی

فوٹو: فائل

خیبرپختونخوا میں نان بائی ایسوسی ایشن نے آج سے پشاور سمیت صوبے کے مختلف شہروں میں ہڑتال کر دی۔

نان بائی ایسوسی ایشن کی جانب سے ہڑتال کی کال دینے کے بعد  پشاور، کوہاٹ، ہنگو اور ہزارہ ڈویژن میں تندور بند کر دیئے گئے ہیں۔

نان بائی ایسوسی ایشن نے دوسرے مرحلے میں نوشہرہ، چارسدہ اور مردان تک ہڑتال کا دائرہ بڑھانے کی دھمکی بھی دے دی ہے۔

خیبرپختونخواکے وزیر اطلاعات شوکت یوسفزئی نے جیو نیوز کے پروگرام جیو پاکستان میں گفتگوکرتے ہوئے کہا کہ ان کی حکومت کسی صورت روٹی مہنگی نہیں ہونے دے گی، ایک دو روز میں آٹا وافر مقدار میں دستیاب ہو گا۔

پنجاب میں بھی آٹا نایاب

ادھر  پنجاب میں بھی سپر فائن آٹا نایاب ہو گیا ہے جس کی وجہ سے  نان بائی اور تندور والے حکومت کی جانب سے فراہم کردہ کم کوالٹی کےآٹے سے بنی روٹی کی فروخت پر مجبور ہو گئے ہیں۔

اقتصادی رابطہ کمیٹی کا اجلاس

ملک بھر میں جاری آٹے کے بحران پر قابو پانے کے لیے مشیر خزانہ عبدالحفیظ شیخ کی سربراہی میں اقتصادی رابطہ کمیٹی کا اجلاس ہوا جس میں 3 لاکھ ٹن گندم درآمد کرنے کی سمری منظور کی گئی۔ 

دوسری جانب وفاقی وزیر برائے نیشنل فوڈ سیکیورٹی خسرو بختیار نے دعویٰ کیا ہے کہ ملک بھر میں آج سے گندم کی فراہمی اور آٹے کی قیمت میں کمی آنا شروع ہو جائے گی۔

مزید خبریں :