کورونا وائرس سے ہلاکتیں 25 ہو گئیں، چین کے 10 شہر سیل

چین میں پھیلنے والے پراسرار وائس کورونا سے ہلاک افراد کی تعداد 25 ہو گئی ہے تاہم اس موذی وائرس کی وجوہات کا تاحال پتہ نہیں چل سکا ہے۔

چین کے صوبے ہوبئی کے وسطی شہر ووہان سے شروع ہونے والے نئے قسم کے وائرس نے صوبے کے 10 شہروں کو اپنی لپیٹ میں لے لیا ہے اور اس وائرس سے متاثرہ افراد کی تعداد 900 کے قریب پہنچ چکی ہے۔

ووہان شہر میں ایمرجنسی نافذ کر دی گئی ہے اور شہر میں ٹرین اور ائیرپورٹ بند کر دیئے گئے ہیں، سڑکیں ٹریفک کے لیے کھلی ہیں لیکن پبلک مقامات پر آنے والے افراد کے لیے ماسک کو لازمی قرار دے دیا گیا ہے۔

چین سے دنیا میں پھیلنے والا ’کورونا وائرس‘ اصل میں ہے کیا؟

’کورونا‘ سے کم از کم 18 افراد جاں بحق ہوگئے جبکہ اب تک اس وائرس کے 550 کیسز ساری دنیا سے رپورٹ ہوچکے ہیں

انتظامیہ نے ووہان کے قریبی شہروں کو بھی جمعے کی صبح سے سیل کر دیا ہے لیکن حکام کی جانب سے احتیاطی تدابیر پورے ملک میں اختیار کی جا رہی ہیں۔

دارالحکومت بیجنگ میں بھی چین کے نئے سال کی مناسبت سے اہم ثقافتی پروگرامات ملتوی کر دیئے گئے ہیں۔

جاپان اور جنوبی کوریا میں بھی کورونا وائرس

’کورونا وائرس‘ چمگادڑ کے سوپ اور زندہ چوہے کھانے سے پھیلا؟

چین میں پُراسرار ’کورونا‘ وائرس سے اب تک 25 افراد ہلاک ہوچکے ہیں جب کہ انتظامیہ نے ووہان شہر کو سیل کردیا ہے۔

خطرناک وائرس نے باعث پاکستان اور امریکا سمیت دنیا بھر کے لوگوں کو خوف میں مبتلا کر دیا ہے اور چین سے جانے والے مسافروں کا ائیرپورٹ پر طبی معائنہ بھی کیا جا رہا ہے۔

جاپان اور جنوبی کوریا میں بھی کورونا وائرس کے ایک ایک مریض کی تصدیق ہو گئی ہے جب کہ سنگاپور میں بھی کورونا وائرس سے متاثرہ دو مریض سامنے آئے ہیں۔

کورونا وائرس کی وجوہات

کورونا وائرس کی وجوہات کا تو تاحال علم نہیں ہو سکا ہے تاہم اس بات کا خدشہ ظاہر کیا جا رہا ہے کہ یہ وائرس چمگاڈر کا سوپ پینے اور زندہ چوہے کھانے کی وجہ سے پھیلا۔