امریکی پابندیوں کی وجہ سے پاک ایران گیس منصوبے پر کام رک گیا

وزارت توانائی کا کہنا ہے کہ پاک ایران گیس پائپ لائن منصوبے پر کام امریکی پابندیوں کے باعث رکا ہوا ہے۔

سینیٹ میں تحریری جواب میں وزارت توانائی نے بتایا کہ امریکا نے ایران پر پابندیاں عائد کررکھی ہیں جس کی وجہ سے پاک ایران گیس پائپ لائن منصوبے پر بھی رک گیا ہے۔

امریکا نے ایران پر 17 نئی معاشی پابندیاں عائد کردیں

امریکا نے ایران کے مختلف شعبوں کے ساتھ ساتھ 8 ایرانی عہدیداروں پر بھی پابندی عائد کردی ہے

وزارت توانائی کا مزید کہنا ہے کہ ایران اور پاکستان نے گیس پائپ لائن ترمیمی معاہدے پر دستخط کر دیے ہیں جس کے تحت دونوں ممالک کو منصوبہ مکمل کرنے کے لیے مزید 5 سال کا عرصہ دیا گیا ہے ۔

وزارت توانائی نے بتایا کہ نئے معاہدے کے باوجود منصوبے کی تکمیل امریکی پابندیاں ختم ہونے سے ہی مشروط ہے۔

حکومت ایک بار پھر جھک گئی، پاک ایران پائپ لائن سے انکار پر بلاول کا ردعمل

ہم نے ایران پر عالمی پابندیوں کے باوجود ایران سے گیس پائپ لائن پراجیکٹ شروع کیا کیونکہ ہم نے پاکستان کو ترجیح دی: چیئرمین پیپلز پارٹی

خیال رہے کہ امریکا نے ایران کے جوہری پروگرام اور دیگر معاملات کی وجہ سے اس پر سخت اقتصادی پابندیاں عائد کررکھی ہیں ۔