سعودی عرب کا چین کا سفر کرنے والوں کیلئے سزا اور جرمانے کا اعلان

سعودی عرب نے کورونا وائرس کی روک تھام کے لیے اپنے شہریوں پر چین کی سفری پابندی عائد کردی اور ساتھ ہی خلاف ورزی کرنے والوں پر جرمانے کا اعلان کردیا۔

فرانسیسی خبررساں ادارے کے مطابق چین میں پھیلنے والے جان لیوا کورونا وائرس کے پیشِ نظر سودی عرب نے اپنے شہریوں اور مملکت میں موجودغیر ملکی شہریوں پر چین کا سفر کرنے پر پابندی عائد کردی ہے اور ساتھ ہی اس بات کا اعلان کیا ہے کہ جو بھی اس فیصلے کی خلاف ورزی کرے گا اس پر جرمانہ عائد کیا جائے گا۔

اس وائرس سے اپنے ملک کو بچانے کے لیے سعودی حکومت نے چین کے سفر پر پابندی لگائی ہے۔

چین میں کورونا وائرس سے ہلاکتوں میں ریکارڈ اضافہ، تعداد 563 ہو گئی

سب سے زیادہ ہلاکتیں ہوبئی صوبے میں ہوئیں، متاثرہ افراد کی تعداد بھی 28 ہزار سے تجاوز کر گئی: نیشنل ہیلتھ کمیشن چین

سعودی حکام کا مزید کہنا تھا کہ مملکت میں موجود وہ تارکین وطن جو پابندی کی خلاف ورزی کریں گے انہیں واپس آنے نہیں دیا جائے گا۔

واضح رہے کہ چین کے شہر ووہان سے پھیلنے والے خطرناک کورونا وائرس سے اب تک 563 افراد کی ہلاکت ہوچکی ہے جبکہ اس سے متاثرین کی تعداد 28000 سے بھی تجاوز کرچکی ہے۔

چینی حکام کی جانب سے اس وائرس کے روک تھام کے لیے سر توڑ کوششیں کی جارہی ہیں جس کی وجہ سے لاکھوں لوگ گھروں میں محصور ہو کر رہ گئے ہیں۔

مہمانوں کو کورونا کا خوف: چینی جوڑے کی اپنی ہی شادی میں ویڈیو لنک سے شرکت

چینی دولہا دُلہن میں کورونا وائرس کے خوف کی وجہ سے مہمانوں نے شادی میں شرکت سے انکار کردیا جس پر جوڑے نے انوکھا حل نکالا

اب تک 24 ممالک نے مریضوں میں نظامِ تنفس کے مسائل کے وائرس کی تصدیق کردی ہے جو چین کے شہر ووہان کی آبی حیات کی مارکیٹ سے گزشتہ سال کے آخر میں پھیلنا شروع ہواتھا۔

سعودی عرب میں اب تک کسی شہری میں اس وائرس کی تصدیق نہیں ہوئی ہے اگرچہ ہمسایہ ملک متحدہ عرب امارات میں اس وائرس سے متاثرہ مریضوں کے چار کیسز رپورٹ ہوچکے ہیں، جو تمام چینی باشندے ہیں اور ان کا تعلق شہر ’ووہان‘ سے ہے۔

علاوہ ازیں خلیجی ممالک میں بحرین، کویت، اور سلطنت عمان نے بھی اپنے شہریوں کو چین کا سفر کرنے سے منع کیا ہے لیکن ان پر کوئی جرمانہ عائد نہیں کیا جائے گا۔