Can't connect right now! retry

دنیا
13 فروری ، 2020

حریت رہنما سید علی گیلانی کی وفات کی خبروں کی تردید، طبیعت شدید ناساز

مقبوضہ کشمیر کے نظر بند حریت رہنما سید علی گیلانی—فوٹو فائل

سری نگر: حریت کانفرنس کے بزرگ رہنما سید علی گیلانی کی طبیعت شدید ناساز ہے۔

کشمیر میڈیا سروس کے مطابق چیئرمین آل پارٹیز حریت کانفرنس سید علی گیلانی اس وقت نظر بند ہیں اور اچانک طبیعت بگڑنے کے بعد وہ شدید علیل ہیں۔

ترجمان حریت رہنما کا کہنا تھا کہ  سید علی گیلانی کی طبیعت طویل نظربندی کے باعث خراب ہوئی، انہیں پھیپھڑوں میں انفیکشن سے سانس لینے میں مشکلات ہیں۔

ترجمان نے کشمیری عوام سے سید علی گیلانی کی جلد صحتیابی کے لیے دعا کی درخواست کی۔

دوسری جانب سید علی گیلانی کی طبیعت ناساز  ہونے کے باعث ان کے انتقال کی افواہیں گردش کرنے لگی تھیں جس کی تردید ان کے صاحبزادے نسیم گیلانی نے کی۔

نسیم گیلانی نے بتایا کہ ان کے والد کی نظر بند ہونے کی وجہ سے صرف  طبیعت خراب ہوئی ہے۔

واضح رہے کہ  بھارتی انتظامیہ نے کشمیر میں لاک ڈاؤن کر کے مقبوضہ وادی میں دہشت اور خوف کی فضاء قائم کر رکھی ہے اور سید علی گیلانی سمیت سینئر حریت قیادت کو گھروں میں نظر بند یا گرفتار کر رکھا ہے۔

چند روز قبل اپنے گھر میں نظر بند سید علی گیلانی کی جانب سے جاری بیان میں کہا گیا تھا کہ کشمیری اپنے خوابوں کی تعبیر حاصل کرنے کے لیے جدو جہد کر رہے ہیں جو کہ پاکستان کی صورت میں اُن کے سامنے موجود ہے، کشمیری عوام پاکستان کے ساتھ اپنا مستقبل بنانے کے لیے مسلسل قربانیاں دے رہے ہیں۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM