کورونا وائرس کا خوف: کراچی کے شہریوں نے سرگرمیاں محدود کردیں

صوبہ سندھ کے دارالحکومت کراچی میں اب تک کورونا وائرس کے 26 کیسز سامنے آئے ہیں جس کے بعد شہریوں نے اپنی سرگرمیاں محدود کردی ہیں۔

کاروباری ہفتے کے پہلے روز  شہر میں صبح کے وقت سڑکوں پر ٹریفک میں بڑی کمی دیکھنے میں آئی اور مسافر بسیں خالی اور آن لائن بس سروس میں بھی مسافروں کی تعداد خاصی کم رہی۔

ٹریفک پولیس اہلکاروں کے مطابق شہر میں ٹریفک معمول سے 60 فیصد تک کم رہا۔

لائیو: سندھ میں کورونا وائرس کے104 کیسز، ملک بھر میں تعداد 137 ہوگئی

تفتان سے سکھر آنے والے اب تک 76 افراد میں کورونا وائرس کی تصدیق ہوچکی ہے جب کہ 27 کیسز کراچی اور ایک کا تعلق حیدرآباد سے ہے

دوسری جانب سی این جی ایسوسی ایشن کے مطابق پیٹرول، ڈیزل اور سی این جی کی فروخت 50 فیصد تک گرگئی ہے جبکہ پیٹرولیم مصنوعات کی فروخت میں مسلسل کمی ہورہی ہے۔

خیال رہے کہ ملک میں کورونا وائرس کے مریضوں کی تعداد 136 ہوگئی ہے جن میں سے سندھ میں 104، خیبرپختونخوا میں 15، بلوچستان میں 10، اسلام آباد 4، گلگت بلتستان میں 3 اور پنجاب میں ایک کیس سامنے آیا ہے۔

سندھ حکومت کے ترجمان نے بتایا کہ تفتان سے سکھر آنے والے اب تک 76 افراد میں کورونا وائرس کی تصدیق ہوچکی ہے جب کہ 26 کیسز کراچی اور ایک کا تعلق حیدرآباد سے ہے۔