دلچسپ و عجیب

قرنطینہ فلیٹ میں لگاتار 10 گھنٹے میں 61 کلو میٹر دوڑ کا ریکارڈ

21 مارچ ، 2020

کورونا وائرس کی وجہ سے زیادہ تر لوگوں نے خود کو سیلف آئسولیٹ کرلیا ہے تاکہ وہ وائرس سے بچ سکیں اور اس دوران تمام تر لوگ گھروں میں اچھا وقت گزانے کے لیے نت نئی سرگرمیاں تلاش کر رہے ہیں۔

گھروں میں موجود بے شمار لوگ وقت گزارنے کے لیے کہیں سوشل میڈیا کا استعمال کررہے ہیں تو کہیں متعدد لوگ آن لائن اسٹریمنگ سائٹ نیٹ فلکس پر اپنے پسندیدہ شو دیکھ کر بھی یہ وقت گزار رہے ہیں۔

اسی ضمن میں ایک ہسپانوی شخص نے سوشل میڈیا یا نیٹ فلکس کا انتخاب نہیں کیا بلکہ انہوں نے تروتازہ رہنے کے لیے ورزش کا چناؤ کیا اور اپنے آپ کو ایک چیلنج دیدیا۔

یورپ کے 41 سالہ جاویر نامی شہری نے اپنے اپارٹمنٹ میں ہی 10 گھنٹے 61 کلومیٹر دوڑ لگائی اور اس حوالے نے انہوں نے اپنی اسمارٹ واچ کا ڈیٹا بھی شیئر کیا۔

یہ بھی پڑھیں

جاویر کا کہنا تھا کہ یہ ان کی پوری زندگی میں سب سے مشکل ترین چیلنج تھا۔

انہوں نے بتایا کہ جب انہوں نے 54 کلومیٹر دور مکمل کر لی تھی تو ان میں مزید دوڑ لگانے کی ہمت نہیں تھی لیکن سوشل میڈیا پر صارفین کی جانب سے موصول ہونے پیغامات کی وجہ سے انہیں ہمت ملی اور انہوں نے یہ دوڑ مکمل کی۔

خیال رہے کہ کورونا وائرس کے خوف کی وجہ سے اٹلی میں اِس وقت لاک ڈاؤن ہے اور ہزاروں افراد کو قرنطینہ میں رکھا گیا ہے۔

کورونا وائرس سے دنیا بھر میں ہلاکتوں کی تعداد 11 ہزار سے تجاوز کر چکی ہے جب کہ وائرس سے متاثرہ افراد کی تعداد 2 لاکھ 76 ہزار 113 ہوگئی ہے۔