24 مارچ ، 2020 
سندھ میں کورونا وائرس کے مزید 10 مریض صحتیاب ہوگئے
24 مارچ ، 2020
سندھ میں کورونا وائرس کے مزید 10 مریض صحتیاب ہوگئے جس کے بعد اس مرض سے سندھ میں صحتیاب ہونے والے مریضوں کی تعداد 14 ہوگئی ہے۔
ترجمان سندھ حکومت مرتضیٰ وہاب نے اپنی ٹوئٹ میں بتایا ہے کہ سندھ میں کورونا وائرس سے متاثرہ مزید 10 افراد صحتیاب ہوگئے ہیں۔
مرتضیٰ وہاب کے مطابق کورونا وائرس سے متاثرہ ان 10 مریضوں کے حالیہ ٹیسٹ منفی آئے ہں جس کے بعد اللہ کا شکر ہے کہ سندھ میں شفایاب ہونے والے کورونا وائرس کے مریضوں کی تعداد 14 ہوگئی ہے۔
ترجمان محکمہ صحت سندھ کے مطابق صحت یاب ہونے والے تمام 10 افراد کا تعلق کراچی ہے۔
خیال رہے کہ اس سے قبل سندھ میں کورونا وائرس کے 4 مریض صحت یاب ہوچکے ہیں، جن میں سے 3 کا تعلق کراچی اور ایک کا حیدرآباد سے تھا۔
سندھ میں کورونا وائرس سے متاثرہ افراد کی کل تعداد 410 ہوگئی ہے جن میں سے اب 14 افراد صحتیاب جب کہ ایک مریض کا انتقال ہوچکا ہے۔
پاکستان میں کورونا وائرس کے اب تک تصدیق شدہ کیسز کی تعداد 961 ہے جب کہ 7 مریض انتقال کرچکے ہیں۔
ملک بھر میں مہلک وائرس سے اب تک 20 افراد صحتیاب ہوئےہیں جن میں سے سندھ میں 14 ،گلگت بلتستان میں 4 اور 2 کا تعلق اسلام آباد سے ہے۔
