Can't connect right now! retry

پاکستان
26 مارچ ، 2020

’بلوچستان کی جیلوں میں اسکریننگ جاری، تاحال کسی قیدی میں کورونا کی علامات نہیں ملیں‘

بلوچستان کی تمام جیلوں میں اسکریننگ کی جارہی ہے: آئی جی جیل_فائل فوٹو

کوئٹہ: آئی جی جیل خانہ جات بلوچستان کے مطابق صوبے کی کسی جیل میں قید قیدی میں اب تک کورونا کی علامات نہیں پائی گئیں۔

جیو نیوز سے گفتگو کرتے ہوئے آئی جی جیل ملک محمد یوسف نے بتایا کہ صوبے کے تمام جیلوں میں کورونا بچاؤ کے لیے اسکریننگ کا عمل جاری ہے، ابھی تک کسی بھی قیدی میں وائرس کی کوئی علامات نہیں ہیں۔

انہوں نے کہا کہ کورونا وائرس کے پھیلاؤ کے خدشے کے پیش نظر صوبے کی تمام جیلوں میں بند تقریباً 2100 قیدیوں کی اسکریننگ کی جارہی ہے۔

آئی جی جیل نے بتایا کہ کوئٹہ جیل کے قیدیوں کی اسکریننگ کرلی گئی ہے جب کہ دیگر جیلوں میں اسکریننگ کا عمل جارہی ہے مگر ابھی تک صوبے کی جیلوں میں بند کسی قیدی کے کورونا میں مبتلا ہونے کی اطلاع موصول نہیں ہوئی ہے۔

ان کا کہنا تھاکہ وبا کے پیش نظر صوبائی حکومت نے عام جرائم میں کم سزا کے قیدیوں کو رہا کرنے کا فیصلہ کیا ہے جس کے لیے ڈیٹا مرتب کیا جارہا ہے، ایک دو روز میں قیدیوں کو خصوصی معافی دے کر رہائی شروع کردی جائے گی۔

آئی جی جیل خانہ جات نے مزید بتایا کہ صوبے بھر کی جیلوں میں قیدیوں کی  قانون کے مطابق پے رول اور جرمانے کی ادائیگی پر ان کی رہائی کا بھی جائزہ لیا جارہا ہے۔

واضح رہے کہ کورونا وائرس کے بڑھتے کیسز کے پیش نظر سندھ اور پنجاب کی جیلوں سے بھی عام جرائم میں قید قیدیوں کو رہا کیا جارہا ہے۔

اب تک صوبہ پنجاب کے دارالحکومت لاہور کے کیمپ جیل سے ایک قیدی میں کورونا وائرس کیس کی تصدیق ہوچکی ہے۔ 

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM