کراچی میں عوام کی جانب سے لاک ڈاؤن کی خلاف ورزیوں میں اضافہ

کراچی میں عوام کی جانب سے لاک ڈاؤن کی خلاف ورزیوں میں اضافہ ہوگیا اور کاروباری ہفتے کے پہلے رو شہریوں کی بڑی تعداد باہر نکلی۔

شہر میں ٹرانسپورٹ بھی معمول سے زیادہ دکھائی دیا جس کی وجہ سےشہر کی فضائی آلودگی میں بھی اضافہ ہوگیا اور دنیا کے 97 شہروں میں 70 ویں نمبر پر آنے والا کراچی پھر 25 ویں نمبر پر چلا گیا۔

لاک ڈاؤن سے کراچی اور لاہور کی فضائی آلودگی میں واضح کمی

ائیر کوالٹی انڈیکس میں کراچی لاک ڈاؤن کے دوسرے ہی روز 42 ویں نمبر پر پہنچ گیا، گزشتہ روز کراچی کا نمبر دنیا بھر کے آلودہ ترین شہروں میں 27 واں تھا

خیال رہے کہ سندھ حکومت نے 22 مارچ کی رات 12 بجے سے صوبے بھر میں 15 روز کیلئے لاک ڈاؤن کردیا تھا جس کے تحت کسی بھی شہری کو غیر ضروری طور پر باہر نکلنے کی اجازت نہیں ہے، کسی بھی کام سے نکلنے کی صورت میں شہری کو شناختی کارڈ ساتھ رکھنا ہوگا جس کا اندراج سیکیورٹی اہلکار کریں گے کہ آیا مذکورہ شہری کتنے دن میں، کتنی مرتبہ اور کس کام سے گھر سے باہر نکلا۔

پنجاب میں بھی لاک ڈاؤن پر عملدرآمد

لاک ڈاؤن منگل 24مارچ سے 6 اپریل تک جاری رہے گا

عوام کی جانب سے قانون کی مسلسل خلاف ورزیوں کے بعد لاک ڈاؤن میں مزید سختیاں کی گئیں اور اب صبح 8 سے شام 5 بجے کے بعد کسی بھی طرح کے کاروبار کی اجازت نہیں ہے البتہ صوبائی وزراء عندیہ دے چکے ہیں کہ شہریوں نے قانون کی خلاف ورزی جاری رکھی تو کرفیو نافذ کرنا پڑ سکتا ہے۔